Vətəndaş cəmiyyəti təşkilatları üçün stresin idarə edilməsi mövzusunda təlim kursu keçiriləcək
Aİ tərəfindən maliyyələşdirilən Şərq Tərəfdaşlığı Vətəndaş Cəmiyyəti Proqramı İcma İnkişafı Platforması (CDP) ilə əməkdaşlıq çərçivəsində 2023-cü il iyul-noyabr ayları arasında stresin idarə edilməsinə dair onlayn kurs təşkil edir.
Kurs bir neçə ay davam edəcək və canlı seminarlar, video dərslər, fərdi koaçinq və ev tapşırıqlarından ibarət olacaq. İştirakçıların gələcəkdə stresin idarə edilməsinə dair dəstək proqramı həyata keçirə bilmələri üçün kursda təlimçilər üçün təlim də təşkil olunacaq.
Sözügedən kurs Şərq Tərəfdaşlığı ölkələrində (Azərbaycan, Belarus, Ermənistan, Gürcüstan, Moldova və Ukrayna) vətəndaş cəmiyyəti təşkilatlarında çalışan vətəndaş cəmiyyəti liderləri, layihə rəhbərləri və könüllülər, eləcə də sosial startap liderləri və sosial sahibkarlar və vətəndaş cəmiyyətinin iştirakçılığının təşviqi istiqamətində çalışan şəxslər üçün nəzərdə tutulub.
Onlar stresin idarə edilməsi və ilkin psixoloji yardım ilə bağlı qayda və vasitələri, o cümlədən stresə səbəb olan amilləri, onun simptomlarını və mübarizə üsullarını öyrənəcəklər.
Kurs həftədə bir dəfə Zoom vasitəsilə 20 iştirakçı üçün seminarlar vasitəsilə ingilis dilində keçiriləcək.
Müraciət üçün son tarix iyunun 12-dir.
Şərq Tərəfdaşlığı Vətəndaş Cəmiyyəti Proqramı Aİ tərəfindən maliyyələşdirilən layihədir və altı Şərq Tərəfdaşlığı ölkələrində (Azərbaycan, Belarus, Ermənistan, Gürcüstan, Moldova və Ukrayna) vətəndaş cəmiyyəti təşkilatlarının və fəalların rol və potensialının artırılması üçün bu ölkələrlə əməkdaşlıq edir.
Daha çox öyrən
BAĞLANIŞ TARİXİ:
ÇOX OXUYUR
[popular_posts columns_xl=”4″ columns_l=”4″ columns_m=”3″]
