Azərbaycanda keçiriləcək “EuroSchool 2025”ə qatılaraq öyrənin və əlaqələr qurun!

Avropa İttifaqının (Aİ) Azərbaycandakı Nümayəndəliyi 12-14 avqust tarixləri arasında Azərbaycanlı gəncləri 8-ci dəfə Azərbaycanda keçiriləcək Avropa məktəbində (EuroSchool) iştirak etməyə dəvət edir. Üç gün davam edəcək tədbirin məqsədi interaktiv təlim və həvəsləndirici dialoq vasitəsilə Avropa İttifaqını gənclərə tanıtmaqdır.

Azərbaycanın rayonlarından birində təşkil olunacaq bu ilki məktəb Aİ-nin tarixi, fundamental dəyərləri və əsas tərəfdaşlıqları haqqında bilikləri dərinləşdirməyə imkan verən platforma rolunu oynayacaq. Aİ-Azərbaycan münasibətləri, Şərq Tərəfdaşlığı təşəbbüsü, enerji və ətraf mühit problemləri, o cümlədən dezinformasiya ilə mübarizə ilə bağlı məsələlər xüsusilə diqqət mərkəzində olacaq.

Azərbaycanlı Gənc Avropa səfirlərinin (YEAs) fəal iştirakı ilə təşkil olunan məktəbdə iştirakçılar aşağıdakı mövzular üzrə sessiyalara cəlb olunacaqlar:

• Aİ-nin regiondakı rolu və gənclərə dəstəyi;
• Aİ tərəfindən maliyyələşdirilən proqramlar ilə təhsil, könüllülük və digər imkanlar;
• beynəlxalq məsələlər, təhsil, ticarət və energetika üzrə gənclərin rəhbərlik etdiyi müzakirələr;
• Aİ və Şərq Tərəfdaşlığı ölkələrindən olan gənc liderləri birləşdirən Gənc Avropa səfirləri şəbəkəsi haqqında təqdimat.

Bütün sessiyalar təcrübəli təlimçilər tərəfindən İngilis dilində keçiriləcək.

Aİ-nin Azərbaycandakı Nümayəndəliyi iştirakçıları Bakıdan tədbirin təşkil ediləcəyi rayona nəqliyyat vasitəsi, qidalanma və gecələmə (ikinəfərlik otaqlar) ilə təmin edəcək.

İştirak etmək üçün müraciət edən şəxs aşağıdakı meyarlara cavab verməlidir:

• 18-25 yaş arası Azərbaycan vətəndaşı;
• universitet tələbəsi və ya yaxın vaxtlarda məzun olmuş şəxslər;
• İngilis dilində sərbəst danışmalı;
• beynəlxalq münasibətlər, Aİ-nin fəaliyyəti, siyasət və ya enerji sahələrində maraqlı olmalı;
• tədbirin başlanğıcından sonuna qədər iştirak etməli.

Müraciət etmək üçün 1 iyul 2025-ci il tarixinədək rəsmi ərizə formasını dolduraraq təqdim edin. Süni intellekt vasitəsilə doldurulmuş ərizə formaları diskvalifikasiya ediləcək.

Daha çox öyrən

Ərizə forması

[popular_posts columns_xl=”4″ columns_l=”4″ columns_m=”3″]