Avropa Komissiyası və AİB tərəfdaş ölkələrdə iqlim dəyişikliyi və dayanıqlı iqtisadiyyat sahələrinə ayrılan investisiyaların artırılması üçün 18 milyard avro ayrıldığını açıqlayıb
Avropa Komissiyası və Avropa İnvestisiya Bankı (AİB) Avropanın tərəfdaş ölkələr üzrə investisiya strategiyası olan “Global Gateway” çərçivəsində 18 milyard avro ayrıldığını elan edib. Bununla da adı çəkilən strategiyada qeyd olunan iqlim dəyişikliyi sahəsində fəaliyyət, təmiz enerji və bağlantı kimi prioritet sahələrə investisiyaların artırılacağı gözlənilir. Bu işlər Avropanın bütün dünyadakı tərəfdaş ölkələrini əhatə edəcək. Xüsusilə də, bu layihələr qlobal iqlim dəyişikliyi, uyğunlaşma və iqlim dəyişikliyinin təsirinin azaldılması sahəsində maliyyə ilə bağlı boşluqları aradan qaldırmağa kömək edəcək.
Nyu Yorkda keçirilən Global Citizen NOW Sammitində çıxış edən Avropa Komissiyasının prezidenti Ursula von der Leyen deyib: “Global Gateway təbii fəlakətlərin qarşısının alınmasından başlayaraq təmiz nəqliyyat və enerji infrastrukturuna qədər tərəfdaşlarımızın ehtiyac duyduğu layihələrə sərmayə yatırır. Və bu 18 milyard avro həcmində maliyyə vəsaiti daha çox belə layihələrin sürətlə həyata keçirilməsinə imkan verəcək. Global Gateway bütün dünyada iqlim dəyişikliyi sahəsində görülən işləri sürətləndirməyə, insanların həyatını yaxşılaşdırmağa və tərəfdaşlarımızı daha dayanıqlı etməyə kömək edəcək”.
Global Gateway çərçivəsində özəl sektora aid investisiyalarla bağlı riskləri azaltmaq üçün qrantlar, güzəştli kreditlər və zəmanətlərin birləşməsi vasitəsilə 2021-2027-ci illər arasında 300 milyard avro investisiya cəlb etmək planlaşdırılıb.
Daha çox öyrən
ÇOX OXUYUR
[popular_posts columns_xl=”4″ columns_l=”4″ columns_m=”3″]
