Azərbaycan: Aİ və BMTİP Bakıda layihələrin idarə edilməsi mövzusunda təlim keçirib
Sentyabrın 4-də Bakıda 20-dən artıq vətəndaş cəmiyyəti təşkilatının iştirakı ilə “Layihələrin idarə edilməsinin əsasları” mövzusunda təlim proqramı keçirilib.
Təlim Avropa İttifaqının maliyyələşdirdiyi və BMT-nin İnkişaf Proqramı tərəfindən icra olunan və vətəndaş cəmiyyəti təşkilatlarının potensialının arıtırılmasına yönəlmiş “Azərbaycanda innovasiya əsaslı və dayanıqlı vətəndaş cəmiyyətinin inkişafı” layihəsi çərçivəsində təşkil edilib.
Təlimdə Bakı, Bərdə, Biləsuvar, Gəncə, Mingəçevir və Şəki şəhərlərindən 22 vətəndaş cəmiyyəti təşkilatını təmsil edən 30-a yaxın nümayəndə iştirak edib.
Təlimdə iştirakçılar layihənin ümumi icra dövrü haqqında yeni məlumatlar əldə edib və layihələrin idarə edilməsi və layihə risklərinin azaldılması barədə biliklərini artırıblar.
Birgünlük təlimdən sonra sözügedən təşkilatların fərdi irəliləyişlərini müzakirə etmək üçün fərdi mentorluq görüşləri keçiriləcək. Mentorluq görüşləri sentyabrın sonuna qədər davam edəcək.
Daha çox öyrən
ÇOX OXUYUR
[popular_posts columns_xl=”4″ columns_l=”4″ columns_m=”3″]
