Rəy sərğusu göstərir ki, Azərbaycanlıların əksəriyyəti Aİ ilə əlaqələrin yaxşı olduğunu hesab edir
Azərbaycanda həyata keçirilən 2025-ci il üzrə illik rəy sorğusuna əsasən, Azərbaycan vətəndaşlarının çoxu (61%) Aİ və Azərbaycan arasında əlaqələrin yaxşı olduğunu düşünür, lakin respondentlərin cəmi 25%-i Aİ haqqında müsbət təsəvvürə malikdir. Onların 37%-i Aİ haqqında neytral və 10%-i mənfi təsəvvürə malikdir.
Ən son illik rəy sorğusu 2025-ci ilin may ayında bütöv ölkə ərazisində 1000 nəfərdən ibarət nümunə respondent arasında üz-üzə müsahibələr vasitəsilə həyata keçirilib. Bu rəy sorğuları 2016-cı ildən etibarən hər il Azərbaycanda və digər beş Şərq Tərəfdaşlığı ölkəsində “EUNEIGHBOURS east” proqramı tərəfindən aparılır.
Rəyi soruşulan vətəndaşlar iqtisadi inkişaf (49%), təhsil və mübadilə proqramları (40%) və viza rejiminin sadələşdirilməsi (32%) sahələrinə daha böyük dəstəyin göstərilməsinin onların Aİ-yə qarşı müsbət rəyinin formalaşmasına kömək edəcəyini bildirib.
Respondentlərin 68%-i Aİ-nin maliyyə dəstəyi haqqında məlumatlı olduğu halda (keçən il qeydə alınan 62%-dən çoxdur), onların cəmi 27%-i bu dəstəyin yüksək və çox yüksək olduğunu düşünür. Bununla belə, getdikcə daha çox respondent (50%) Aİ-nin dəstəyinin (2024-cü ildə qeydə alınan 40% və 2023-cü ildə qeydə alınan 25% ilə müqayisədə) səmərəli olduğunu hesab edir.
Sorğuda iştirak edənlərin üçdə birindən çoxu (36%) Aİ-nin Azərbaycanda təhsilin dəstəklənməsində daha çox rol oynamasını, 36%-i gənclərə və 26%-i isə əhalinin aztəminatlı təbəqələrinə daha çox dəstəyin göstərilməsini istəyir.
Daha çox öyrən
2025-cü il üzrə Azərbaycanda illik rəy sorğusu – məlumat bülleteni
2025-cü il üzrə Azərbaycanda illik rəy sorğusu – ölkə üzrə hesabat
ÇOX OXUYUR
[popular_posts columns_xl=”4″ columns_l=”4″ columns_m=”3″]
