Avropa İrs Mükafatları/Europa Nostra Mükafatları-2026 üçün müraciətlərin qəbuluna başlandı

Avropa Komissiyası və onun “Yaradıcı Avropa” (Creative Europe) proqramı Avropanın ən nüfuzlu mükafatı olan “Avropa İrs Mükafatları-2026” üçün müraciətlərin qəbuluna başlayıb. Mükafat mədəni irsin qorunması sahəsində həyata keçirilmiş layihələrə təqdim olunur.

Bu il mükafatlar beş kateqoriya üzrə təqdim ediləcək: 

• konservasiya və adaptiv təkrar istifadə;  
• tədqiqat;  
• təhsil, təlim və bacarıqlar; 
• vətəndaşların cəlb edilməsi və maarifləndirilməsi; 
• və irs üzrə çempionlar. 

Müraciətlər maddi, qeyri-maddi və ya rəqəmsal irsə, istənilən ölçüdə, yerli, Avropa və beynəlxalq irsə aid ola bilər.

Ərizəçilər 10 000 avro məbləğində Qran Pri və / və ya 10 000 avro dəyərində İctimai Seçim Mükafatı almaq şansı əldə edəcəklər.

Avropa İrs Mükafatları üçün müraciətlər yalnız “Yaradıcı Avropa” proqramının Mədəniyyət üzrə bölməsində iştirak edən ölkələrdən və Ermənistan, Gürcüstan və Ukraynadan təqdim edilə bilər.

Avropa Şurasının üzvü olan, lakin “Yaradıcı Avropa” proqramında iştirak etməyən ölkələrdən (Azərbaycan və Moldova) olan şəxslər yalnız “Europa Nostra” Mükafatları üçün müraciət edə bilərlər, lakin Qran Pri mükafatına layiq görülə bilməzlər.

Müraciət üçün son tarix 9 sentyabrdır.

“Europa Nostra” aşağıdakı tarixlərdə “Avropa İrs Mükafatları/Europa Nostra Mükafatları-2026 üçün təklifi necə hazırlamaq olar” (eyni mövzuda və eyni məzmunda) mövzusunda iki vebinar keçirəcək:

• 23 may 2025, 12:00-13:00 (Mərkəzi Avropa vaxtı ilə). Burada qeydiyyatdan keçə bilərsiniz
• 30 iyun 2025, 16:00-17:00 (Mərkəzi Avropa vaxtı ilə). Burada qeydiyyatdan keçə bilərsiniz

Vebinarlarda iştirak pulsuzdur, ancaq qeydiyyat mütləqdir.

Daha çox öyrən

Mətbuat üçün açıqlama

[popular_posts columns_xl=”4″ columns_l=”4″ columns_m=”3″]