EU4Culture proqramının qrant layihəsinin yazılmasına dair onlayn kursu artıq hamı üçün əlçatandır

Aİ tərəfindən maliyyələşdirilən EU4Culture proqramı Şərq Tərəfdaşlığı ölkələrindən olan rəssamlar və mədəniyyət işçiləri üçün nəzərdə tutulmuş qrant layihəsinin yazılmasına dair onlayn kursu daha geniş auditoriyanın istifadəsinə verib. Bundan sonra bu kurs Ukraynanın cases.media rəqəmsal platformasında sərbəst istifadə üçün əlçatandır. 

Rəqəmsal kurs mədəni fəaliyyətlər və layihələr üçün Aİ-nin maliyyə dəstəyi üçün müraciət etmək istəyənlər üçün nəzərdə tutulub. Sözügedən kurs mövzu ilə bağlı ingilis dilində bir sıra maarifləndirici videoçarxlardan ibarətdir və azərbaycan, erməni, gürcü, rumın və ukrayna dillərində altyazılarla dəstəklənir. 

Kursa aşağıdakı mövzular üzrə mühazirələr daxildir:

● Qrantların növləri və onların əhəmiyyəti;

● Milli və beynəlxalq layihə tərəfdaşlarının tapılması üçün qrant layihələrinin yazılması bacarığı və texnikaları;

● Büdcənin hazırlanması strategiyaları və hüquqi sənədlərə dair tələblərlə bağlı fikir mübadiləsi;

● Donorlarla səmərəli kommunikasiya;

● Hesabatların hazırlanması.

Kursa qoşulmaq üçün qeydiyyatdan keçmək və ya cases.media saytına daxil olmaq kifayətdir.

Onlayn mühazirələrdə iştirak etdikdən sonra iştirakçılar onlayn sınaq imtahanından keçə və sertifikat ala bilərlər. 

İlkin olaraq Azərbaycan, Ermənistan, Gürcüstan, Moldova və Ukraynadan açıq müraciət yolu ilə seçilmiş cəmi 302 incəsənət və mədəniyyət xadimi kursa giriş əldə edib. Onlar həmçinin digər iştirakçılarla şəbəkələr qurmaq, mühazirəçilərlə ünsiyyət qurmaq və cari və gələcək layihələri ilə bağlı məsləhət almaq imkanı əldə ediblər. 

Onlayn kurs və müraciət prosesi haqqında suallarınızla bağlı Kiyevdəki Çex Mərkəzinin təhsil üzrə əlaqələndiricisi Kateryna Vandych və ya texniki məsələlərlə bağlı Dəstək komandası ilə əlaqə saxlayın. 

7,85 milyon avro büdcəyə malik EU4Culture proqramı Şərq Tərəfdaşlığı ölkələrinin paytaxt olmayan şəhər və qəsəbələrinə xüsusi diqqət yetirməklə mədəniyyət və yaradıcı sektoru dəstəkləmək üçün Avropa İttifaqı tərəfindən maliyyələşdirilən dördillik layihədir. Layihə Höte İnstitutu (əsas tərəfdaş), Çex Mərkəzləri, Danimarka Mədəniyyət İnstitutu və “Institut Français de Géorgie” ilə birgə həyata keçirilir.

Daha çox öyrən

Uğurlu qrant layihələrinin yazılması

[popular_posts columns_xl=”4″ columns_l=”4″ columns_m=”3″]