Saf su, təmiz hava, münbit torpaq və yaşıl enerji: Aİ-nin Azərbaycandakı Nümayəndəliyinin fotomüsabiqəsində iştirak edin
Avropa İttifaqının Azərbaycandakı Nümayəndəliyi iqlimlə bağlı fəaliyyət strategiyaları haqqında məlumatlılığı artırmaq üçün “Planetimiz Naminə” kampaniyası çərçivəsində fotomüsabiqə təşkil edir.
Nümayəndəliyin hazırda davam edən “Planetimiz üçün. Saf su, təmiz hava, münbit torpaq və yaşıl enerji” kampaniyasının məqsədi COP29 öncəsi təbii ehtiyatların mühafizəsi haqqında məlumatlılığı artırmaqdır. Kampaniyada həmçinin təbii ehtiyatların idarə edilməsi və iqlim sahəsində fəaliyyətlərə dair Aİ-nin siyasət və strategiyaları təşviq olunur.
Müsabiqə dörd kateqoriyadan – hava, su, torpaq və yaşıl enerjidən ibarətdir. İştirakçılar öz fotolarında bu kateqoriyalardan birinin mahiyyətini əks etdirməlidir. Hər bir kateqoriya üzrə yalnız bir foto təqdim oluna bilər.
Müsabiqədə iştirak etmək üçün 2024-cü ildə çəkilmiş fotolar göndərilməlidir. Yalnız mobil telefonla çəkilmiş fotolar qəbul olunacaq.
Müsabiqəyə Azərbaycanda yaşayan və gəlirlərinin böyük hissəsini fotoqrafiyadan qazanmayan 18 yaşdan yuxarı həvəskar fotoqraflar iştirak edə bilərlər.
Bütün finalçılar 3 günlük fotoqrafiya kursunda iştirak etmək imkanı qazanacaqlar.
Müraciət üçün son tarix 15 yanvar 2025-ci ildir.
Daha çox öyrən
BAĞLANIŞ TARİXİ:
ÇOX OXUYUR
[popular_posts columns_xl=”4″ columns_l=”4″ columns_m=”3″]
