“Yeni Avropa Bauhaus Mükafatı 2025” üçün ərizələrin qəbuluna başlandı
Avropa Komissiyası 2025-ci il üzrə Yeni Avropa Bauhaus Mükafatı (New European Bauhaus/NEB) üçün ərizə qəbuluna başlayıb. Bu mükafat innovasiyaları və yaradıcılığı təşviq edir.
Bu mükafat fərdi şəxslərin, komandaların və təşkilatların ən yaxşı layihə və ideyalarına verilir. Avropanın hər yerindən və onun hüdudlarından kənarda olan yaradıcı şəxslər və innovatorlar yaşadıqları icmalarda yaşayış tərzini və ətraf mühitin qorunması ilə bağlı düşüncə tərzini dəyişdirəcək innovativ layihələr və ideyalar təqdim etməyə dəvət olunurlar. Aİ və Aİ-yə üzv olmayan ölkələrin vətəndaşları mükafat almaq üçün ərizə ilə müraciət edə bilərlər. Onların layihələri və konsepsiyaları Aİ, Qərbi Balkanlar və ya Ukraynada həyata keçirilməlidir.
2025-ci il üzrə Yeni Avropa Baunhaus Mükafatı dörd kateqoriya üzrə veriləcək:
- Təbiətlə yenidən bağlantı;
- Aidiyyət hissinin geri qaytarılması;
- Ən çox ehtiyac olan yerlərin və insanların prioritetləşdirilməsi;
- Dairəvi sənaye ekosisteminin qurulması və həyat dövrü düşüncəsinin dəstəklənməsi.
Dörd kateqoriyanın hər birində iki paralel istiqamət müəyyən edilib:
- A istiqaməti: “Yeni Avropa Bauhaus Çempionları” nominasiyası üzrə mükafat aydın və müsbət nəticələrə malik mövcud və tamamlanmış layihələrə veriləcək.
- B istiqaməti: “Yeni Avropa Baunhaus Yeni Paylayan Ulduzlar” nominasiyası üzrə mükafat isə 30 yaş və ya daha gənc istedadlar tərəfindən təqdim olunan konsepsiyalara veriləcək. Konsepsiyalar ideyalardan başlayaraq prototip səviyyəsində olan aydın plana kimi müxtəlif hazırlanma mərhələsində ola bilər.
2025-ci il üzrə mükafat ümumilikdə 22 nəfərə təqdim olunacaq. Qaliblərə 30 000 avroya yaxın pul mükafatı və layihələrini daha da inkişaf etdirmək və təşviq etmək üçün kommunikasiya paketi veriləcək.
Ərizə ilə müraciət üçün son tarix 14 fevraldır. Ərizələr rəsmi Yeni Avropa Bauhaus Mükafatları platforması vasitəsilə təqdim edilməlidir.
Daha çox öyrən
BAĞLANIŞ TARİXİ:
ÇOX OXUYUR
[popular_posts columns_xl=”4″ columns_l=”4″ columns_m=”3″]
