ЕС абвяшчае конкурс на атрыманне стыпендыяў для беларускіх выкладчы(ц)каў, даследчы(ц)каў і дактарантаў(к).

Еўрапейскі саюз абвясціў новы конкурс на атрыманне стыпендыяў для беларускіх выкладчыкаў, навукоўцаў і аспірантаў у вышэйшых навучальных установах і навукова-даследчых інстытутах ЕС.

Конкурс праводзіцца ў рамках фінансаванай ЕС праграмы “Падтрымка паглыбленага навучання” (Support to Advanced Learning and Training, EU4Belarus – SALT).

Стажыроўкі павінны пачынацца з 1 красавіка 2023 года і завяршыцца да 30 чэрвеня 2025 года. Мінімальны тэрмін стыпендыі складае тры месяцы, але не больш за 10 месяцаў. 

Стыпендыя прызначаецца для праходжання навуковай стажыроўкі або правядзення даследавання ў вышэйшых навучальных установах ці навукова-даследчых інстытутах. Гэта можа быць наведванне семінараў, чытанне гасцявых лекцыяў і збіранне неабходнай інфармацыі для даследаванняў. Да ўдзелу прымаюцца таксама праекты міжнароднага супрацоўніцтва, вынікам якіх стане напісанне рэцэнзаваных навуковых артыкулаў.

Конкурс адкрыты для грамадзянаў Беларусі, якія пражываюць у краінах ЕС або адной з краінаў Усходняга партнёрства (Азербайджан, Арменія, Беларусь, Грузія, Малдова, Украіна). Заяўнік(ца) павінен прадэманстраваць, што ён/яна падлягаў(ла) фактычнаму пераследу/рэпрэсіям або рызыцы такога пераследу.  

Сума гранту будзе разлічаная зыходзячы з запланаваных каляндарных дзён стажыроўкі, максімальная сума – 19 220 еўра (на дзесяць месяцаў).

Апошні тэрмін падачы заявак – 15 снежня 2023 года.

Даведацца больш

Прэс-рэліз

[popular_posts columns_xl=”4″ columns_l=”4″ columns_m=”3″]