Падтрымка ЕС для беларусаў склала 170 мільёнаў еўра ад жніўня 2020 года
Пасля сфальсіфікаваных прэзідэнцкіх выбараў у Беларусі ў жніўні 2020 года падтрымка Еўрапейскага саюза склала 170 мільёнаў еўра для грамадзянскай супольнасці, праваабаронцаў, незалежных СМІ, адукацыйных і культурніцкіх устаноў, малога і сярэдняга бізнесу.
Дадзеная лічба прыводзіцца ў інфармацыйным бюлетэні, які апублікаваўГенеральны дырэктарат Еўракамісіі па пытаннях добрасуседства і перамоў пра пашырэнне ў рамках Дзён Беларусі.
Дапамога была перанакіраваная ад беларускіх дзяржаўных органаў і дзяржаўных прадпрыемстваў да недзяржаўных структур.
У дакуменце гаворыцца, што ЕС праводзіць рэгулярныя кансультацыі з беларускімі дэмакратычнымі сіламі і грамадзянскай супольнасцю для вызначэння патрэб беларускага народа. Дзякуючы дыялогу, які працягваецца дагэтуль, больш за 3 000 ахвяр рэпрэсій атрымалі юрыдычную, фінансавую, медыцынскую, псіхалагічную падтрымку, а таксама дапамогу ў эміграцыі. Сотні актывістаў атрымалі падтрымку для працягнення працы.
ЕС таксама падтрымлівае беларускія незалежныя СМІ ў прадастаўленні аб’ектыўнай, заснаванай на фактах інфармацыі грамадзянам у гарадской і сельскай мясцовасцях па ўсёй краіне.
Больш за 130 работнікаў культуры атрымалі падтрымку мабільнасці для наладжвання новых партнёрстваў, удзелу ў міжнародных культурніцкіх мерапрыемствах і павышэння кваліфікацыі. На культурніцкія праекты выдадзена каля 110 грантаў.
У сферы адукацыі больш за 3 300 студэнтаў атрымалі стыпендыі і падтрымку для навучання за мяжой, больш за 700 спецыялістаў скарысталіся падтрымкай мабільнасці, а больш за 3 000 жанчын прайшлі ўводныя анлайн-курсы па IT і сацыяльных навыках.
ЕС таксама падтрымаў беларускі бізнес у выгнанні: яны скарысталі больш за 500 кансультацыйных паслуг, а больш за 4 000 прадпрыемстваў у выгнанні паўдзельнічалі ў праграмах бізнес-адукацыі.
У інфармацыйным бюлетэні нагадваецца, што як толькі Беларусь пачне дэмакратычны пераход, то Еўрасаюз актывуе інвестыцыйны пакет у памеры 3 мільярдаў еўра, каб дапамагчы краіне стабілізаваць эканоміку і рэфармаваць інстытуты.
Больш інфармацыі:
САМЫЯ ЧЫТАЕМЫЯ
[popular_posts columns_xl=”4″ columns_l=”4″ columns_m=”3″]
