Рэпрэсіі ў Беларусі павінны спыніцца, заявіў ЕС у гадавіну сфальсіфікаваных выбараў
Рэпрэсіі, якія працягваюцца ў Беларусі, непрымальныя і павінны спыніцца, заявілі 9 жніўня Высокі прадстаўнік ЕС Кая Калас і еўракамісар па палітыцы суседства Марта Кос з нагоды пятай гадавіны сфальсіфікаваных прэзідэнцкіх выбараў у Беларусі.
“Сотні тысяч людзей мірна выступілі ў абарону дэмакратыі, але сутыкнуліся з жорсткімі рэпрэсіямі. Нядаўна вызваленыя палітычныя зняволеныя падзяліліся жахлівымі гісторыямі катаванняў. Некаторыя палітычныя зняволеныя выйшлі на волю, але больш як 1000 па-ранейшаму знаходзяцца ў зняволенні ў жорсткіх умовах”, – гаворыцца ў заяве.
Яны заклікалі ўлады Беларусі неадкладна вызваліць усіх палітычных зняволеных, спыніць рэпрэсіі і распачаць інклюзіўны нацыянальны дыялог. “Разгром грамадзянскай супольнасці, што працягваецца, павінны спыніцца. Беларусь таксама павінна спыніць падтрымку незаконнай вайны Расіі супраць Украіны”, – падкрэслілі яны.
У заяве гаворыцца, што ЕС выказвае поўную салідарнасць з беларускім народам: “Пачынаючы ад 2020 года ЕС мабілізаваў 170 мільёнаў еўра на падтрымку грамадзянскай супольнасці Беларусі, незалежных СМІ і ахвяр рэпрэсіяў і будзе працягваць уводзіць санкцыі ў дачыненні да тых, хто падаўляе дэмакратыю і парушае правы чалавека”.
“ЕС будзе падтрымліваць народ Беларусі на яго шляху да дэмакратыі столькі, колькі спатрэбіцца”.
Даведацца больш
САМЫЯ ЧЫТАЕМЫЯ
[popular_posts columns_xl=”4″ columns_l=”4″ columns_m=”3″]
