Сумесная справаздача Кааліцыі беларускіх НДА і ініцыятыў па выкананні Рэспублікай Беларусь Канвенцыі аб ліквідацыі ўсіх формаў дыскрымінацыі ў дачыненні да жанчын
Камітэт па ліквідацыі дыскрымінацыі ў адносінах да жанчын (CEDAW) – 90-я сесія. 2025 год
Гэты супольны даклад падрыхтаваны кааліцыяй беларускіх НДА і ініцыятываў: Беларускі Хельсінкскі Камітэт, Беларускі Кангрэс Дэмакратычных Прафсаюзаў, Human Constanta, ПЦ “Вясна”, Праваабарончая арганізацыя “Шануй – Абараняй – Выконвай”, Lawtrend, Прававая Ініцыятыва, Фонд Салідарнасці Медыкаў BYMEDSOL, Офіс па правах людзей з інваліднасцю, Рабочы Рух – пры агульнай каардынацыі Беларускага Хельсінкага Камітэта. Гэтая справаздача апісвае агульны кантэкст у Беларусі пасля палітычнага крызісу пасля выбараў 2020 года. Па стане на 6 студзеня 2025 года ў зняволенні знаходзяцца 1260 палітвязняў, а агульная колькасць палітвязняў з улікам вызваленых дасягае 3747 чалавек. Сярод іх як мінімум 168 жанчын-палітвязняў, а 514 жанчын з’яўляюцца былымі палітвязнямі. Як мінімум 401 жанчына атрымала пакаранне ў выглядзе абмежавання волі без накіравання ва ўстановы адкрытага тыпу па выніках палітычна матываваных судоў. З пачатку палітычнага крызісу ў 2020 годзе жанчыны падвяргаліся пераследу па палітычных матывах як мінімум у 19 800 выпадках, у тым ліку ў 2989 крымінальных пераследах. Умовы ўтрымання палітычных зняволеных з’яўляюцца жорсткім, бесчалавечным і зневажаючым годнасць абыходжаннем або, у некаторых выпадках, катаваннямі. Паводле розных ацэнак, 300 000-500 000 беларусаў былі вымушаныя пакінуць краіну праз страх палітычнага пераследу. OHCHR, ацаніўшы доказы парушэнняў правоў чалавека, сабраныя за 3 гады, прыйшло да высновы, што ёсць дастатковыя падставы меркаваць, што беларускія ўлады здзейснілі злачынства супраць чалавечнасці ў форме пераследу разам з іншымі звязанымі дзеяннямі.
У гэтым кантэксце ў дакладзе аналізуюцца наступныя аспекты, звязаныя з гендэрнай роўнасцю: Нацыянальны механізм па паляпшэнню становішча жанчын, Доступ да правасуддзя, Свабода аб’яднанняў, Жанчыны-грамадзянскія актывісткі, Свабода выказвання меркаванняў і сходаў, Гендэрныя стэрэатыпы, Эканамічныя і сацыяльныя правы, Групы жанчын, якія знаходзяцца ў неспрыяльным становішчы, і фармулюцца 18 рэкамендацый для ўрада.
Беларускі Хэльсынскі Камітэт
Спампаваць
САМЫЯ ЧЫТАЕМЫЯ
[popular_posts columns_xl=”4″ columns_l=”4″ columns_m=”3″]
