Праграма мабільнасці для беларусаў: адкрыты прыём заявак на прафесійны абмен са спецыялістамі і спецыялісткамі з ЕС

Праграма мабільнасці MOST IV, якая садзейнічае прафесійнаму абмену паміж спецыялістамі і спецыялісткамі з Беларусі і Еўрапейскага саюзу, адкрыла новы прыём заявак. Заяўкі прымаюцца бесперапынна па вясну 2027.

Дзякуючы праграме MOST беларусы і беларускі, якія жывуць у Беларусі ці за мяжой, могуць паехаць на стажыроўку ў адну ці некалькі еўрапейскіх краін для павышэння кваліфікацыі, наладжвання прафесійных сувязяў і ўстанаўлення партнёрства з еўрапейскімі арганізацыямі.

Каб падаць заяўку, вы павінны быць прафесіяналам/лкай або спецыялістам/ткай у адным з наступных прафесійных сектараў: грамадства, культура, бізнес, аховы здароўя, адукацыя або ўстойлівае развіццё.

Праграма MOST фінансуе стажыроўкі ў партнёрскай арганізацыі, удзел у канферэнцыі або навучальным курсе, вывучэнне досведу або наладжванне новых прафесійных кантактаў у адной або некалькіх краінах Еўрапейскага саюзу.

Праграма MOST фінансуецца Еўрапейскім саюзам і рэалізуецца Гётэ-Інстытутам.

Заяўкі прымаюцца бесперапынна з кастрычніка 2024 года па вясну 2027 года. Заяўка павінна быць пададзенай за тры месяцы да пачатку стажыроўкі.

Даведацца больш:

Прэс-рэліз

[popular_posts columns_xl=”4″ columns_l=”4″ columns_m=”3″]