EU4Culture-ը հայտարարում է Արեւելյան գործընկերության երկրներում մշակութային եւ միջոլորտային նորարարական նախագծերի ֆինանսավորման մրցույթ

Եվրամիության ֆինանսական աջակցությամբ գործող «EU4Culture» ծրագիրը հայտարարում է Հայաստանի, Ադրբեջանի, Վրաստանի, Մոլդովայի եւ Ուկրաինայի ոչ մայրաքաղաքային քաղաքներում մշակութային եւ միջոլորտային նորարարական նախագծերի ֆինանսավորման մրցույթ: Այն կոչված է խթանելու միջմշակութային համագործակցությունը եւ երկխոսությունը «EU4Culture-ի քաղաքների ցանց»-ի շրջանակներում:

Մրցույթի շրջանակում աջակցություն կտրվի երկու տեսակի նախագծերի.

• Մշակութային նախագծեր, որոնք ուղղված են մշակութային եւ գեղարվեստական ստեղծագործությանը, արտադրությանը կամ ներկայացմանը, ինչպես նաեւ խթանում են տեղական մշակութային ավանդույթները եւ ստեղծում տարածքներ մշակութային փոխանակման համար.
• Միջոլորտային նորարարական նախագծեր, որոնք մշակույթի, ստեղծարարության, զբասաշրջության եւ այլ ոլորտների համատեղման միջոցով նպաստում են տարբեր ոլորտների միջեւ խոչընդոտների վերացմանը եւ տեղական էկոհամակարգերի զարգացման խթանմանը։

Այս կանչը գործում է Հայաստանում, Ադրբեջանում, Վրաստանում, Մոլդովայի Հանրապետությունում կամՈւկրաինայում գրանցված ոչ առևտրային կազմակերպությունների համար (պետական կամ մասնավոր), որոնք ունեն առնվազն երկու տարվա գործառնական գործունեություն: Առաջարկները կարող եններկայացվել առանձին կազմակերպությունների կողմից կամ Կոնսորցիումով՝ իրավասու երկրներիցերկուսից հինգ գործընկերների հետ: Գլխավոր հայտատուն պետք է ունենա «EU4Culture Network Cities»-իցմեկում (տես ստորև բերված ցանկը) իրականացված գործողությունների պատմություն , մինչդեռ այսչափանիշը պարտադիր չէ համադիմորդների համար:

Մրցույթը կաջակցի մինչեւ 10 ամիս տեւողությամբ նախագծերին, որոնք պետք է իրականացվեն 2023 թվականի հոկտեմբերից մինչեւ 2024 թվականի հուլիսն ընկած ժամանակահատվածում։

Միավոր նախագծի համար նախատեսված առավելագույն դրամաշնորհը կազմում է 25 000 եվրո։

Դիմումների ընդունման վերջնաժամկետն է 2023թ. հուլիսի 25-ը, ժամը 18:00-ն (կենտրոնաեվրոպական ժամանակով): Դիմելու համար հետաքրքրված դիմորդները պետք է լրացնեն Գյոթե ինստիտուտի հայտերի ընդունման պորտալում (GAP) ներկայացված հայտաձեւը եւ ներկայացնեն պահանջվող փաստաթղթերը: Հունիսի 5-ին տեղի կունենա հատուկ տեղեկատվական հանդիպում (գրանցման հղում):

«EU4Culture քաղաքների ցանց»-ը «EU4Culture» ծրագրի շրջանակներում ստեղծված հարթակ է, որն ուղղված է մշակութային զարգացման ռազմավարություն մշակելու համար ԵՄ ֆինանսավորում ստացած 14 ընտրված քաղաքների շրջանում մշակույթի եւ ստեղծարարության ոլորտներում համագործակցության խթանմանը։ Նշված քաղաքներն են Չարենցավանը, Իջեւանն ու Սեւանը (Հայաստան), Խըրդալանը, Լենքորանն ու Շեքին (Ադրբեջան), Քութայիսը, Փոթին ու Զուգդիդը (ՎրաստաՆ), Կահուլն ու Օրհեյը (Մոլդովա), ինչպես նաեւ Օդեսան, Ռիվնեն ու Վիննիցան (Ուկրաինա):

EU4Culture-ն իրականացվում է Գյոթե ինստիտուտի (ղեկավար), Չեխական կենտրոնների, Դանիական մշակութային ինստիտուտի եւ Վրաստանի ֆրանսիական ինստիտուտի կողմից:

Իմացիր ավելին

լրացուցիչ տեղեկություն

[popular_posts columns_xl=”4″ columns_l=”4″ columns_m=”3″]