Ստեղծարար Եվրոպա. նոր մրցույթ՝ ուղղված երաժշտության բնագավառում «կանաչ» պրակտիկաների ներդրմանը

Եվրոպական միության «Ստեղծարար Եվրոպա» (Creative Europe) ծրագիրը փնտրում է առնվազն երեք կազմակերպություններից կազմված կոնսորցիում՝ նպաստելու եվրոպական երաժշտական ​​էկոհամակարգի «կանաչ» անցմանը եւ բնապահպանական կայունությանը: Այս նոր՝ Music Moves Europe առաջարկների մրցույթն ունի 5 միլիոն եվրո բյուջե:

Դիմելու իրավունք ունեն Հայաստանը, Վրաստանը եւ Ուկրաինան (որպես մշակույթի ուղղությամբ «Ստեղծարար Եվրոպա» ծրագրին միացած կամ միանալու շուրջ բանակցություններ վարող երկրներ) ներկայացնող կազմակերպությունները։

Այս հայտամրցույթի նպատակն է ընտրել մեկ կոնսորցիում, որը կիրականացնի բոլոր երեք միմյանցից տարբեր, բայց փոխկապակցված գործողությունները.

• Իրականացնել երաժշտության բնագավառի ռազմավարական կարիքների գնահատում` փոփոխություններ պահանջող պրակտիկաները վեր հանելու նպատակով, եւ ոլորտում լավագույն «կանաչ» պրակտիկաների քարտեզագրում:
• Ստեղծել կարողությունների զարգացման, իրազեկման եւ վերապատրաստման ծրագիր՝ օգնելու երաժշտության բնագավառում ներգրավված սուբյեկտների հմտությունների ու գիտելիքների բարելավմանը՝ ոլորտի «կանաչ» անցումը դյուրացնելու նպատակով:
• Տրամադրել ֆինանսական աջակցություն՝ միջոցներ բաշխելով երաժշտության բնագավառում ակտիվ կազմակերպությունների շրջանում, որպեսզի վերջիններս որդեգրեն նորարարական լավագույն փորձը իրենց «կանաչ» անցման եւ շրջակա միջավայրի կայունության համար:

Դիմումների ընդունման վերջնաժամկետն է 2025 թվականի փետրվարի 19-ը:

Նախագծային առաջարկները պետք է ներկայացվեն երեք տարբեր իրավասու երկիր ներկայացնող առնվազն երեք անկախ (ոչ փոխկապակցված) կազմակերպություններից կազմված կոնսորցիումից։

Music Moves Europe նախաձեռնությունը խթանում է բազմազանություն, մրցունակություն, նորարարություն ու կայունություն Եվրոպայի երաժշտության բնագավառում։

Իմացիր ավելին

Մամուլի հաղորդագրություն

[popular_posts columns_xl=”4″ columns_l=”4″ columns_m=”3″]