Հայաստանում Եվրոպական միության դիտորդական առաքելությունն իրականացրել է իր 5,000-րդ պարեկությունը
Հայաստանում Եվրոպական միության դիտորդական առաքելությունն (EUMA) ապրիլի 2-ին հպարտությամբ նշեց մի կարեւոր իրադարձություն՝ առաքելության հիմնադրումից ի վեր իր 5,000-րդ պարեկությունը:
Հայաստանի եւ Ադրբեջանի միջեւ սահմանային տարածքներում կայունության ապահովման նպատակով ստեղծված EUMA-ն 2023 թվականի փետրվարի 20-ից իրականացնում է անվտանգության իրավիճակի իրազեկման եւ մարդկային անվտանգության պարեկության միջոցառումներ սահմանի հայկական կողմում:
Առաքելությունը գործում է 1000 կմ սահմանային գծի երկայնքով՝ ապահովելով հետեւողական եւ անաչառ ներկայություն տարածաշրջանում:
«Դիտարկում իրականացնելուց բացի առաքելությունն ակտիվորեն ներգործում է տեղի համայնքների հետ: Պարեկային թիմերը պարբերաբար հանդիպում տեղի բնակիչներին, լսում են նրանց եւ հաղորդում են մարդկանց անվտանգային իրավիճակի մասին: Պարեկները այցելում են դպրոցներ, որտեղ պատմում են իրենց առաքելության եւ այն արժեքների մասին, որոնց վրա այն կառուցված է: Այս մոտեցումն օգնել է EUMA-ին վստահություն կառուցել եւ իրազեկվածություն ապահովել իր գործունեության մասին», — նշվում է առաքելության տարածած մամուլի հաղորդագրությունում։
EUMA-ի կենտրոնակայանը գտնվում է Եղեգնաձորում։ Այն նաեւ 6 կայան ունի Ջերմուկում, Եղեգնաձորում, Մարտունիում, Կապանում, Գորիսում եւ Իջեւանում:
Ս.թ. հունվարի 30-ին ԵՄ-ը որոշեց EUMA-ի մանդատը երկարացնել երկու տարով՝ մինչեւ 2027թ. փետրվարի 19-ը:
Իմացիր ավելին
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
