ԵՄ ֆինանսավորմամբ իրականացվող ծրագիրը կիրականացնի ստեղծարար ոլորտի քարտեզագրում Լեռնային Ղարաբաղից տեղահանվածների շրջանում

Եվրոպական միության աջակցությամբ իրականացվող Three4ResilientArmenia ծրագրի շրջանակում «Իմփաքթ Հաբ Արմենիա» սոցիալական նորարարության զարգացման հիմնադրամը մեկնարկել է նոր նախաձեռնություն, որի նպատակն է քարտեզագրել Լեռնային Ղարաբաղից տեղահանված ստեղծարար ոլորտների ներկայացուցիչներին։

Քարտեզագրումը հետագայում օգտագործվելու է ստեղծարար ոլորտների մասնակիցների ներուժը զարգացնելու, նրանց մրցակցային առավելություններով զինելու եւ այդպիսով նրանց կայուն եկամտի աղբյուր ապահովելու համար։

Նախաձեռնությունը փնտրում է տարբեր ոլորտների մասնագետների, այդ թվում՝ գեղանկարիչներ եւ քանդակագործներ, գորգագործներ, ասեղնագործներ եւ փայտագործներ, գրաֆիկական դիզայներներ, անիմատորներ եւ վեբ դիզայներներ, դերասաններ, երաժիշտներ եւ պարողներ, գրողներ եւ բլոգերներ, զարդեր, կահույք, օճառ, մոմեր եւ այլ ձեռագործ արտադրանք ստեղծողներ, նկարիչ-դիզայներներ` նորաձեւության, ինտերիերի, տեքստիլի եւ այլ ուղղություններով, տեսաարտադրողներ եւ լուսանկարիչներ, ինչպես նաեւ ստեղծարար նախագծեր կազմակերպող, ղեկավարող ու տարածող մասնագետներ։

Քարտեզագրմանը մասնակցելու համար խնդրում ենք մինչեւ հունիսի 7-ը լրացնել առցանց հարցաթերթիկը։

Իմացիր ավելին

Մամուլի հաղորդագրություն

[popular_posts columns_xl=”4″ columns_l=”4″ columns_m=”3″]