Խաղա՛ EUcraft. բանակցի՛ր եւ համաձայնության հասի՛ր ԵՄ խորհրդում
Եվրոպական միության խորհուրդը հրավիրում է բոլոր հետաքրքրված անձանց, որոնք ցանկանում են իրական հարցերի շուրջ բանակցություններին մասնակցելու միջոցով սեփական փորձով զգալ ԵՄ որոշումների կայացման գործընթացը, խաղալ EUcraft։
Թվային սիմուլյացիոն խաղը հասանելի է անվճար վեբ եւ բջջային տարբերակներով: Այն հարմար է 15 տարեկան եւ բարձր տարիքի օգտատերերի համար:
EUcraft-ը իրական բանակցային գործընթացի եւ իրական թեմաների վրա հիմնված կրթական խաղ է: Ձեր բջջային սարքերի համար ընդհանուր լիցքավորիչի շուրջ համաձայնության գալը, մեկանգամյա օգտագործման պլաստիկի արգելքը կամ էլեկտրական մեքենաների եւ ավելի կանաչ շենքերի անցմանն աջակցելը՝ ամեն ինչ ձեր ձեռքերում է:
Այնուամենայնիվ, բանակցային գործընթացը պարզեցվել եւ խաղայնացվել է, ավելացվել են զվարճալի տարրեր եւ կիրառվել է աբստրակցիայի որոշակի մակարդակ: Երկրների դիրքորոշումները նույնպես պարզեցվել եւ համապատասխանեցվել են խաղին: Այստեղ երկրների դիրքորոշումները կարող են տարբերվել իրական օրենսդրական ընթացակարգի շրջանակում նրանց իրական դիրքորոշումներից:
Կարող եք ընտրել խաղ մեկ կամ մի քանի խաղացողների համար, ստեղծել ձեր սեփական խաղը կամ միանալ ուրիշի թիմին։
Խաղացողները կարող են նաեւ ստուգել ԵՄ-ի վերաբերյալ իրենց գիտելիքները՝ անցնելով Խորհրդի ԵՄ վիկտորինան, որը նախատեսված է ինչպես սկսնակ, այնպես էլ փորձառու մասնակիցների համար։
Վիկտորինան եւս հարմար է 12 տարեկան եւ բարձր տարիքի մարդկանց համար:
Իմացիր ավելին
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
