Սլովենացի նկարիչը ներկայացրել է Creative Europe ծրագրի շրջանակում Հայաստանում իր արվեստի կացարանի ընթացքում ստեղծված աշխատանքները

Սլովենացի նկարիչ Մարկո Յակշեն սեպտեմբերի 8-ից իր ստեղծագործություններով հանդես է գալիս Թալինում։ Ցուցահանդեսը ներկայացնում է Հայաստանում նրա առաջին արվեստի կացարանի արդյունքները, որը ֆինանսավորվել է ԵՄ Creative Europe (Ստեղծարար Եվրոպա) ծրագրի կողմից։

Յակշեն մասնակցել է բազմաթիվ ցուցահանդեսների, այդ թվում՝ 59-րդ Վենետիկի Բիենալեում (2022) Սլովենիա տաղավարում։ Հայաստան իր առաջին այցի ընթացքում նա սերտորեն աշխատում է տեղական համայնքի եւ բնության հետ՝ ստեղծելով կտավներ, որոնք միավորում են հիշողությունը, մարդուն եւ բնությունը։ 

Արվեստի կացարանը կազմակերպվել էր OASis ծրագրի շրջանակում, որը Եվրոպայում ստեղծագործական տարածքների ցանց է ու նպատակ ունի արվեստը հասանելի դարձնել լայն հասարակությանը։ Այն միավորում է 13 արվեստային վայր 10 երկրներում՝ Հայաստանում, Բելգիայում, Ֆրանսիայում, Վրաստանում, Հունգարիայում, Իտալիայում, Լեհաստանում, Պորտուգալիայում, Սլովակիայում եւ Սլովենիայում, եւ համաֆինանսավորվում է Եվրոպական միության Creative Europe ծրագրի կողմից։

Ցուցահանդեսը բաց կլինի մինչեւ սեպտեմբերի 13-ը։

Իմացիր ավելին

Հայաստանում ԵՄ պատվիրակության գրառումը Facebook-ում

Այսօր Արթ նախաձեռնության միջոցառումը Facebook-ում

[popular_posts columns_xl=”4″ columns_l=”4″ columns_m=”3″]