Հայաստանը՝ Եվրոպական ժառանգության օրեր 2025-ի մասնակիցների թվում
Սեպտեմբերի 27-ից 28-ը Եվրոպական ժառանգության օրերը կրկին իրենց դռները կբացեն ամբողջ Եվրոպայի, այդ թվում՝ Հայաստանի այցելուների համար։
«Եվրոպական ժառանգության օրեր 2025»-ը կանցկացվի «Ժառանգություն եւ ճարտարապետություն. պատուհաններ՝ դեպի անցյալ, դռներ՝ դեպի ապագա» խորագրի ներքո՝ կենտրոնանալով ճարտարապետական միջավայրի դիզայնի, իմաստի եւ պահպանման վրա: Այն նաեւ նշում է 1975 թվականի «Եվրոպական ճարտարապետական ժառանգության տարվա» 50-ամյակը, որը կարեւոր դեր խաղաց ամբողջ Եվրոպայում ճարտարապետական ժառանգությունը որպես կյանքի որակի եւ պահպանման ջանքերի հիմնական գործոն ճանաչելու գործում:
Այս տարի միջոցառմանը մասնակցող երկրների շարքում է նաեւ Հայաստանը։ Նախատեսված բազմաթիվ միջոցառումների թվում են՝ Ավետիք Իսահակյանի տուն-թանգարանում եվրոպական մշակութային ժառանգության եւ հայկական ճարտարապետական հուշարձանների միջեւ եղած կապի մասին չորս լեզվով դասախոսությունը եւ Երեւանի Կասկադ համալիրի ճարտարապետական առանձնահատկությունների ուսումնասիրության ուղեկցորդով շրջագայությունը։
«Եվրոպական ժառանգության օրեր» միջոցառումը Եվրոպայի խորհրդի եւ Եվրոպական հանձնաժողովի համատեղ նախաձեռնություն է, որն անցկացվում է 1999 թվականից ի վեր: Ամեն տարի սեպտեմբերին անցկացվող Եվրոպական ժառանգության օրերը տեղի են ունենում Եվրոպական մշակութային կոնվենցիայի կողմ երկրներում: Այս ընթացքում այցելուների առջեւ իրենց դռներն են բացում բազմաթիվ հուշարձաններ եւ տեսարժան վայրեր, ինչը եվրոպական երկրների քաղաքացիներին թույլ է տալիս անվճար այցելել եւ ծանոթանալ իրենց ընդհանուր մշակութային ժառանգությանը:
Իմացիր ավելին
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
