Առցանց դասընթաց: ՏՐԱՎՄԱՅԻ ԿԱՌԱՎԱՐՈՒՄ

Տեղեկություններ դասընթացի մասին

Մարտական ​​գործողություններին մասնակցությունը, լուրջ դժբախտ պատահարները, սեռական բռնության և հարձակման ենթարկվելը կամ դրանց ականատես լինելը կարող են հանգեցնել հետտրավմատիկ ռեակցիաների: Մարդու սուր ռեակցիայի բնույթն ու չափը կախված են մի շարք գործոններից, ներառյալ՝ նախորդ տրավմայի փորձը, գենետիկ նախահակվածությունը, պատրաստվածությունը, վտանգի մակարդակը և մինչ տրավման առկա առողջական վիճակը: Նույնիսկ եթե մարդու մոտ սուր կամ խրոնիկ հոգեկան հիվանդություն չի զարգանում, միևնույն է, ազդեցությունը ռիսկեր է պարունակում, հատկապես, եթե այդ ազդեցությունը երկարատև է: Լրագրողներն ավելի մոտ են լինում հնարավոր վնասվածքաբեր իրադարձությունների էպիկենտրոնին, հետևաբար հոգեբանական հետևանքների ավելի մեծ ռիսկի են ենթակա: Հակամարտությունների գոտիներում սուր հոգեբանական տրավմաների արագ բուժումը կարող է օգնել նվազեցնելու կարճաժամկետ սթրեսի երկարատև ընթացքի ռիսկը և հետտրավմատիկ սթրեսային խանգարման կամ այլ հոգեկան հիվանդությունների զարգացումը: Դասընթացը, որը մշակել է թերապևտ Օլեգ Նովակը, նպատակ ունի նվազեցնելու այդ ռիսկերը՝ մասնակիցներին սովորեցնելով ճանաչել ախտանիշները և ուսուցանելով հոգեբանական-հուզական հիգիենայի և փոխադարձ հոգեբանական աջակցության տեխնիկաները.