Դիմի՛ր և դարձի՛ր երիտասարդ եվրոպական դեսպան
Երիտասա՞րդ ես, ակտի՞վ և ոգևորվա՞ծ ես ԵՄ-ի հետ քո երկրի գործընկերությամբ: Ցանկանու՞մ ես ավելին իմանալ ԵՄ-ի կողմից երիտասարդների համար նախատեսված հնարավորությունների մասին, միջազգային ասպարեզում ներկայացնել քո երկիրը և նպաստել համայնքիդ զարգացմանը: Ցանկանու՞մ ես ձեռք բերել նոր հմտություններ և նոր ընկերներ ամբողջ Եվրոպայից, ում հետ կկիսես միևնույն գաղափարներն ու հետաքրքրությունները:
Եթե 16-ից 26 տարեկան ես, լավ տիրապետում ես անգլերենին և հանդիսանում ես Արևելյան գործընկերության 6 երկրներից մեկի (Հայաստան, Ադրբեջան, Բելառուս, Վրաստան, Մոլդովա կամ Ուկրաինա) կամ որևէ Եվրոպական միության անդամ երկրի կամ Միացյալ Թագավորության քաղաքացի, ապա այսօրվանից կարող ես ներկայացնել դիմում՝ «EU NEIGHBOURS east» ծրագրի կողմից գործարկված «Երիտասարդ եվրոպական դեսպաններ» նախաձեռնությանը միանալու համար:
Երիտասարդ եվրոպական դեսպան դառնալու համար անհրաժեշտ է մինչև 2022 թվականի հոկտեմբերի 9-ը լրացնել այս առցանց դիմումի ձևը: Ընտրության գործընթացը բաղկաղած է մի քանի փուլից. դիմումների ընդունման վերջնաժամկետին հաջորդող շաբաթների ընթացքում հաջողակ դիմորդները կհրավիրվեն հարցազրույցների և կմասնակցեն նախաձեռնությանն ու ԵՄ-ին առնչվող թեմաների վերաբերյալ հատուկ հանդիպումներին: Դիմումների ներկայացման և ընտրության գործընթացի մասին լրացուցիչ տեղեկություններ կարելի է գտնել այստեղ՝ https://euneighbourseast.eu/young-european-ambassadors/։
«Երիտասարդ եվրոպական դեսպաններ» նախաձեռնությունը մեկնարկել է 2016 թվականին՝ որպես ԵՄ-ի Արևելյան հարևանության համար «EU NEIGHBOURS east» տարածաշրջանային հաղորդակցական ծրագրի մաս։
Իմացիր ավելին
Գործող երիտասարդ եվրոպական դեսպաններ
Երիտասարդ եվրոպական դեսպանները՝ գործողության մեջ
Դեսպանների գործունեության մասին պատմող բլոգային պատմություններ
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
