«EU4Dialogue» ծրագրի շրջանակում ՀՀ Սյունիքի մարզում բացվել է նորակառույց ամբուլատոր մանկաբարձական կլինիկա

Հուլիսի 1-ին ՀՀ Սյունիքի մարզկենտրոն Կապան քաղաքից 28 կմ հեռավորության վրա գտնվող Սրաշեն գյուղում պաշտոնապես բացվել է նորակառույց ամբուլատոր մանկաբարձական կլինիկա։

Նախագծի իրականացմանը «EU4Dialogue» ծրագրի շրջանակում աջակցել են Եվրոպական միությունը եւ ՄԱԿ-ի Զարգացման ծրագիրը, այն կենտրոնացած է հակամարտություններից տուժած համայնքներին աջակցության վրա:

Հաստատությունից կօգտվեն Սրաշեն, Ներքին Հանդ, Ճակատեն, Շիկահող եւ Ծավ գյուղերում ապրող ավելի քան 500 մարդ:

Ամբուլատորիան համալրվել եւ ապահովվել է մասնագիտական բժշկական գործիքներով, դեղորայքով, ինչպես նաեւ կանաչ էներգիայի լուծումներով՝ ջեռուցման սարքավորումների եւ 5 կՎտ հզորությամբ ֆոտովոլտային վահանակների տեսքով՝ կլինիկայի էներգետիկ ծախսերը նվազեցնելու համար:

EU4Dialogue-ի գործընկեր «Կանաչ եւ կայուն համայնք» ՀԿ-ի կողմից էլ ձեռք են բերվել շարժական մահճակալ, պատգարակ, սեղաններ եւ աթոռներ, շնչառական թթվածնային ապարատ, ինհալատոր, արյան ճնշման մոնիտոր, գլյուկոմետր, թվային ջերմաչափ եւ տարբեր առաջին օգնության բժշկական պարագաներ։

Բացի այդ, ՀԿ-ն իրականացրել է կարողությունների զարգացման դասընթացներ ամբուլատորիայի անձնակազմի համար:

Իմացիր ավելին

Մամուլի հաղորդագրություն

[popular_posts columns_xl=”4″ columns_l=”4″ columns_m=”3″]