EU4Energy. Շիրակի մարզում ջերմամեկուսացվել են ավելի քան 20 համայնքային շենքեր
«ԵՄ-ն հանուն Հայաստանի համայնքներում էներգաարդյունավետության եւ վերականգնվող էներգիայի» ծրագիրը Գյումրիում ներկայացրել է ՀՀ Շիրակի մարզում 2023-2024 թթ. իրականացված նախաձեռնությունների ձեռքբերումները։
Ծրագիրն աջակցել է մարզի 20-ից ավելի մանկապարտեզներում, համայնքային կենտրոններում եւ այլ կառույցներում արեւային կայանների տեղադրմանը եւ շինություններում ջերմային կորուստների նվազեցմանը՝ տանիքների ջերմամեկուսացման եւ դռների ու պատուհանների փոխարինման միջոցներով:
Նախաձեռնություններն իրականացվել են GIZ-ի եւ Հայկական Կարիտասի համագործակցությամբ՝ ուղղված էներգաարդյունավետության եւ վերականգնվող էներգիայի խթանմանը: «ԵՄ-ն հանուն Հայաստանի համայնքներում էներգաարդյունավետության եւ վերականգնվող էներգիայի» ծրագիրը համաֆինանսավորվում է Եվրոպական միության եւ Գերմանիայի կառավարության կողմից եւ իրականացվում Գերմանական միջազգային համագործակցության ընկերության (GIZ) կողմից՝ որպես «ԷԿՈսերվ Հայաստան» ծրագրի մաս:
«Իրականացված աշխատանքները ոչ միայն նպաստում են էներգիայի ծախսի կրճատմանը, այլեւ նվազեցնում են ջերմոցային գազերի արտանետումներն ու բարենպաստ ազդեցություն ունենում կլիմայի պահպանության տեսանկյունից», — ասվում է GIZ-ի մամուլի հաղորդագրության մեջ։
Իմացիր ավելին
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
