Հանձնակատար Կոսը վերահաստատել է ԵՄ աջակցությունը Հայաստանի եւ Ադրբեջանի փոխհարաբերությունների կարգավորման գործընթացին եւ տարածաշրջանային միակցվածությանը
Սեպտեմբերի 21-ին ԵՄ ընդլայնման հարցերով հանձնակատար Մարտա Կոսն ավարտեց իր այցը Հայաստան եւ Ադրբեջան՝ վերահաստատելով ԵՄ հանձնառությունը Հարավային Կովկասում խաղաղությանը, կայունությանը եւ տնտեսական զարգացմանը։
ԵՄ-ն ձգտում է ամրապնդել կապերը երկու երկրների հետ՝ ինտեգրելով բարեփոխումները միակցվածության մեղմ միջոցառումների եւ թիրախային ենթակառուցվածքային ներդրումների հետ։
«ԵՄ-ն վճռականորեն աջակցում է Հայաստանի եւ Ադրբեջանի փոխհարաբերությունների կարգավորման գործընթացին եւ պատրաստ է ներդրումներ կատարել տարածաշրջանային միաակցվածության ուղղությամբ։ Առեւտրային ուղիները բացելով, ենթակառուցվածքները միմյանց կապելով եւ մարդկանց մերձեցնելով՝ մենք կարող ենք այսօրվա հնարավորությունը վերածել երկարատեւ խաղաղության եւ համատեղ բարգավաճման: Իմ այցի ընթացքում արված հայտարարություններով՝ այս տեսլականի հիմքում դրվել են կոնկրետ ռեսուրսներ՝ վերջին դիվանագիտական առաջընթացը վերածելով ամբողջ տարածաշրջանի համար շոշափելի արդյունքների», — ասել է Մարտա Կոսը:
Ադրբեջանում հանձնակատար Կոսը ձեռք է բերել բարձր մակարդակի տնտեսական աշխատանքային խումբ ստեղծելու պայմանավորվածություն՝ ԵՄ-Ադրբեջան տնտեսական համագործակցությունը ամրապնդելու եւ ԵՄ «Global Gateway» (Գլոբալ դարպասներ) նախաձեռնության շրջանակներում ներդրումները խթանելու համար: Նա նաեւ հայտարարել է ականազերծման աշխատանքներին հետագա աջակցություն ցուցաբերելու ծրագրերի մասին: «Team Europe» (Թիմ Եվրոպա) նախաձեռնության միջոցով տրամադրելով շուրջ 23 միլիոն եվրո՝ ԵՄ-ն եւ նրա անդամ պետությունները դարձել են Ադրբեջանում մարդասիրական ականազերծման առաջատար դոնորները։
Հայաստանում հանձնակատար Կոսը հայտարարել է երկրին աջակցելու համար նախատեսված 270 միլիոն եվրո բյուջեով «Դիմակայունություն եւ աճ» ծրագրի երկրորդ մասնաբաժնի (202,5 միլիոն եվրո) հաստատման մասին։ Այս ֆինանսավորումը կամրապնդի բարեփոխումները եւ սոցիալ-տնտեսական դիմակայունությունը:
Հայաստան իր այցի ընթացքում հանձնակատար Կոսը նաեւ մեկնարկեց բարձր մակարդակի քաղաքականության երկխոսություն՝ երկկողմ օրակարգի ռազմավարական առաջնահերթությունների բարեփոխումների առաջընթացը վերահսկելու համար: ԵՄ-ն նաեւ կաջակցի Հայաստանի ժողովրդավարական դիմակայունությանը եւ արդար ընտրություններին՝ 2026 թվականի խորհրդարանական ընտրություններին ընդառաջ:
Իմացիր ավելին
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
