Հայաստանում ԵՄ քաղաքացիական առաքելությունը բաց դռների օրվա շրջանակում Եղեգնաձորի իր կենտրոնակայանում հյուրընկալել է տեղի բնակիչներին
Հայաստանում Եվրոպական միության քաղաքացիական առաքելությունը (EUMA) սեպտեմբերի 6-ին Եղեգնաձորի իր կենտրոնակայանում ընդունել էր հարյուրավոր տեղաբնակների եւ համայնքային պաշտոնյաների՝ տեղական համայնքի հետ կապերի խորացմանն ուղղված բաց դռների օրվա միջոցառմանը շրջանակներում։
Հյուրերը շրջայց կատարեցին EUMA-ի կենտրոնակայանում, որը տեղակայված է համալսարանի նախկին շենքում: Տեղաբնակները հնարավորություն ունեցան հանդիպելու քաղաքացիական առաքելության անդամների հետ՝ առաքելության աշխատանքի մանրամասներին տեղեկանալու նպատակով:
Միջոցառումը նաեւ նշանավորվեց տեղի «Արմատ» պարային ստուդիայի ելույթով մշակութային փոխանակմամբ։
«Ցանկանում եմ իմ խորին երախտագիտությունը հայտնել այն հյուրընկալության համար, որը ցուցաբերվել է մարզում առաքելության ներկայության երկուսուկես տարվա ընթացքում։ Եղեգնաձորը դարձել է մեր տունը, եւ մենք ամուր կապեր ենք հաստատել տեղի բնակիչների հետ», — նշել է Հայաստանում ԵՄ քաղաքացիական առաքելության ղեկավար Մարկուս Ռիտտերը:
EUMA-ի մամուլի հաղորդագրության մեջ նաեւ ասվում է, որ առաքելությունն անհամբեր սպասում է ապագայում նմանատիպ ավելի շատ միջոցառումներ անցկացնելուն։
Իմացիր ավելին
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
