ՎԶԵԲ. Հայաստանի ՀՆԱ-ի աճը 2025 թվականի համար կանխատեսվում է 5 տոկոս, իսկ 2026 թվականի համար՝ 4,5 տոկոս
Հայաստանում տնտեսական ակտիվության տեմպը երկու տարվա արագ աճից հետո դանդաղում է։ Այս մասին ասվում է Վերակառուցման եւ զարգացման եվրոպական բանկի (ՎԶԵԲ)՝ փետրվարի 27-ին հրապարակված զեկույցում։
Իրական ՀՆԱ-ն տարեկան կտրվածքով 2024 թվականի առաջին երեք եռամսյակների ընթացքում աճել է 5,9 տոկոսային կետով, իսկ ամբողջ տարվա համար այն գնահատվում է 5,7 տոկոս, ինչը ցածր է 2023 թվականին արձանագրված 8,3 տոկոսից՝ արտացոլելով կապիտալի ներհոսքի նվազումը, բարձր որակավորում ունեցող ռուսական միգրացիայի նվազող ազդեցությունը եւ առեւտրի ու ՏՀՏ ծառայությունների դանդաղ աճը:
Միեւնույն ժամանակ, գնաճի մակարդակը զգալիորեն ցածր է մնում ՀՀ կենտրոնական բանկի (ԿԲ) կողմից վերանայված 3 տոկոս թիրախից (±1 տոկոս): 2025 թվականի հունվարին ընդհանուր գնաճը տարեկան կտրվածքով կազմել է 1,7 տոկոս, իսկ 2024 թվականին՝ միջինը 0,3 տոկոս, ինչը զգալիորեն ցածր է 2023 թվականին արձանագրված 2 տոկոսից:
2025 թվականի համար ՀՆԱ-ի աճը կանխատեսվում է 5 տոկոս, իսկ 2026 թվականի համար՝ 4,5 տոկոս: Պետական ներդրումները, միջազգային ֆինանսական հաստատությունների կողմից աջակցվող ծրագրերը եւ ենթակառուցվածքների ընդլայնումը կշարունակեն աջակցել տնտեսական ակտիվությանը:
Թուրքիայի հետ սահմանի բացման շուրջ բանակցություններում հնարավոր բեկումը կարող է ամրապնդել Հայաստանի դիրքերը Արեւելք-Արեւմուտք տարանցման ոլորտում եւ խթանել տարածաշրջանային առեւտրային ինտեգրումը։
Այնուամենայնիվ, աշխարհաքաղաքական անկայունությունը շարունակում է լինել հիմնական անկման ռիսկը, քանի որ Ադրբեջանի հետ խաղաղ բանակցությունների ձգձգումը կարող է խաթարել տնտեսական կայունությունը:
Իմացիր ավելին
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
