ԱլԳ քաղաքացիական տեխնոլոգիաների հաքաթոն 2024. գրանցումը բաց է
Արեւելյան գործընկերության քաղաքացիական հասարակության հիմնադրամը քաղաքացիական տեխնոլոգիաների նվիրյալներին հրավիրում է մասնակցելու 2024 թվականի հունվարի 26-28-ը Մոլդովայի մայրաքաղաք Քիշնեւում կայանալիք երրորդ Քաղաքացիական տեխնոլոգիաների հաքաթոնին։ Այն բաց է Հայաստանը, Ադրբեջանը, Բելառուսը, Վրաստանը, Մոլդովան եւ Ուկրաինան ներկայացնող 50 քաղաքացիական հասարակության ակտիվիստների, ծրագրավորողների եւ վեբ-դիզայներների համար։
Առաջին երկու հաքաթոնները հաջողությամբ անցկացվել են առցանց ձեւաչափով։ Այս անգամ, սակայն, այն կանցկացվի անցանց ձեւաչափով, որտեղ մասնակիցները կարող են հանդիպել իրենց գործընկերներին եւ միասին աշխատել իրենց գաղափարների վրա:
Մասնակիցները կաշխատեն Արեւելյան գործընկերության երկրներում քաղաքացիների հզորացմանն ու հանրային ծառայությունների բարելավմանն ուղղված նոր թվային լուծումների վրա: Ոլորտները ներառում են էլեկտրոնային մասնակցությունը, էլեկտրոնային թափանցիկությունը, բաց տվյալները, քաղաքացիների մոբիլիզացիան, «քաղաքացի-քաղաքացի» ծառայություններ, քաղաքացիական հասարակության թափանցիկությունն ու հաշվետվողականությունը եւ այլն:
Գաղափարներ ներկայացրած մինչեւ 25 ակտիվիստներ՝ անհատներ կամ մինչեւ երեք հոգուց բաղկացած թիմեր, կհրավիրվեն մասնակցելու 2023 թվականի դեկտեմբերի 1-16-ը կայանալիք տեխնոլոգիական իդեաթոնին՝ իրենց գաղափարները կատարելագործելու համար։ Այդ գաղափարներից 15-ը կընտրվեն հաքաթոնին մասնակցելու համար։
Հաքաթոնի ընթացքում մշակված լավագույն գաղափարները կառաջադրվեն ԱլԳ քաղաքացիական տեխնոլոգիաների մրցանակին, որի հաղթողները կստանան 10-12 հազար եվրո մրցանակ, որը նրանց թույլ կտա հետագայում զարգացնել եւ իրականացնել իրենց տեխնոլոգիական լուծումները:
Գրանցումը կատարվում է այստեղ։
Քաղաքացիական տեխնոլոգիական լուծումների առաջարկներ ունեցող անհատների կամ թիմերի համար սահմանված վերջնաժամկետը նոյեմբերի 13-ն է: Թիմերին օգնելու հարցում հետաքրքրված ծրագրավորողների եւ վեբ կամ գրաֆիկական դիզայներների համար սահմանված վերջնաժամկետը դեկտեմբերի 18-ն է:
Հոկտեմբերի 31-ին, ժամը 13:00-ին կազմակերպիչները կանցկացնեն տեղեկատվական վեբինար՝ հաքաթոնի եւ դիմելու գործընթացի մասին լրացուցիչ տեղեկատվության համար։
Դիմորդները կարող են օգտվել համապատասխան ուղեցույցից։
Իմացիր ավելին
ՎԵՐՋՆԱԺԱՄԿԵՏ՝
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
