Culture Moves Europe ծրագիրը մեկնարկում է ռեզիդենտության ֆինանսավորման երրորդ հայտամրցույթը

Մեկնարկել է Culture Moves Europe շարժունակության ծրագրի շրջանակում մշակութային ռեզիդենտության ծրագրերի ֆինանսավորման երրորդ հայտամրցույթը։

Ծրագիրը ֆինանսական աջակցություն է տրամադրում Հայաստանում, Վրաստանում եւ Ուկրաինայում որպես իրավաբանական անձ գրանցված կազմակերպություններին եւ անհատ արվեստագետներին, որոնք ռեզիդենտական ծրագրի շրջանակում ցանկանում են հյուրընկալել միջազգային արվեստագետների եւ մշակութային մասնագետների:

Ծրագիրը նախատեսված է ճարտարապետության, մշակութային ժառանգության, դիզայնի եւ նորաձեւության դիզայնի, գրական թարգմանության, երաժշտության, կատարողական եւ վիզուալ արվեստի ոլորտներում ռեզիդենտական գործողությունների իրականացման համար:

Ծրագրի տեւողությունը պետք է լինի 22-ից մինչեւ 180 օր։

Հյուրընկալված յուրաքանչյուր անհատ՝ առավելագույնը 5-ը, պետք է ներկա լինի հյուրընկալողի տարածքում` սեփական աշխատանքային ժամանակի առնվազն 70%-ը հատկացնելով իր ռեզիդենտական ծրագրին:

Ծրագիրն ու ռեզիդենտությունը պետք է իրականացվեն առանց դադարների։

Դիմումների ընդունման վերջնաժամկետն է 2024 թվականի մայիսի 15-ը:

Դիմելու համար նախ անհրաժեշտ է ստեղծել օգտահաշիվ Գյոթե ինստիտուտի հայտերի ընդունման պորտալում։

Իմացիր ավելին

Մամուլի հաղորդագրություն

[popular_posts columns_xl=”4″ columns_l=”4″ columns_m=”3″]