Skip to main content
«Culture Moves Europe» ծրագրի գնահատողների խմբին միանալու հրավեր Հայաստանը ներկայացնող փորձագետների համար
1 Սեպտեմբերի, 2025

«Culture Moves Europe» ծրագրի գնահատողների խմբին միանալու հրավեր Հայաստանը ներկայացնող փորձագետների համար


ԵՄ-ի կողմից ֆինանսավորվող «Ստեղծարար Եվրոպա» ծրագիրը հրավիրում է 90 փորձագետի՝ միանալու իր գնահատողների խմբին՝ «Culture Moves Europe» դրամաշնորհային ծրագրի շրջանակներում անհատական ​​շարժունակության եւ ռեզիդենտական միջոցառումների համար։

Ընտրված փորձագետները կօգնեն գնահատել՝

  • անհատական ​​շարժունակության միջոցառումների դիմումները (արվեստագետների եւ մշակույթի գործիչների համար, որոնք ցանկանում են այցելել «Ստեղծարար Եվրոպա» ծրագրի մեկ այլ երկիր՝ իրենց գեղարվեստական ​​նախագիծն իրականացնելու համար).
  • ռեզիդենտական միջոցառումների դիմումները (իրավաբանական անձանց համար, որոնք ցանկանում են հյուրընկալել մեկից հինգ արվեստագետների եւ մշակույթի գործիչների՝ գեղարվեստական ​​եւ մշակութային ռեզիդենտության նախագիծ իրականացնելու համար):

Թեկնածուն պետք է լինի առնվազն 18 տարեկան եւ ունենա գիտելիքներ եւ մասնագիտական ​​փորձ հետեւյալ ոլորտներից մեկում՝ ճարտարապետություն, մշակութային ժառանգություն, դիզայն եւ նորաձեւության դիզայն, գրականություն, երաժշտություն, կատարողական արվեստներ, վիզուալ արվեստներ, ինչպես նաեւ միջազգային մշակութային փոխանակում, շարժունակության նախագծեր/մշակույթի կառավարում եւ միջազգային համագործակցության նախագծեր։

Թեկնածուն պետք է նաեւ ունենա փորձ դիմումների կամ առաջարկների գնահատման ոլորտում։

Փորձագետը պետք է լինի «Ստեղծարար Եվրոպա» ծրագրի երկրներից մեկի (ներառյալ Հայաստանը, Վրաստանը եւ Ուկրաինան) օրինական բնակիչ, ազատ տիրապետի անգլերենին եւ հասանելի լինի 2025 թվականի հոկտեմբերի 20-ից 24-ն ընկած ժամանակահատվածում՝ վերապատրաստման դասընթացներին մասնակցելու համար, ինչպես նաեւ 2025 թվականի նոյեմբերից մինչեւ 2028 թվականի հունվարն ընկած ժամանակահատվածում՝ գնահատումներ իրականացնելու համար։

Մասնագետները կստանան գնահատման վճարներ՝

  • 12 եվրո (գումարած ԱԱՀ)՝ անհատական ​​շարժունակության միջոցառումների շրջանակում գնահատված յուրաքանչյուր դիմումի համար.
  • 20 եվրո (գումարած ԱԱՀ)՝ ռեզիդենտական միջոցառումների շրջանակում գնահատված յուրաքանչյուր դիմումի համար.

Դիմումների ընդունման վերջնաժամկետը սեպտեմբերի 8-ն է։

Իմացիր ավելին

Մամուլի հաղորդագրություն

ՎԵՐՋՆԱԺԱՄԿԵՏ՝

8 Սեպտեմբերի, 2025


ԱՄԵՆԱԿԱՐԴԱՑԱԾ

[popular_posts columns_xl=”4″ columns_l=”4″ columns_m=”3″]


[yea_euprojectshortlist]

ԱՌՆՉՎՈՂ ԹԵՄԱՆԵՐ

[posts_by_post_tax]

Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է Եվրոպական միության կողմից ֆինանսավորվող Արեւելյան հարեւանության երկրների համար տարածաշրջանային հաղորդակցության ծրագրի («EU NEIGHBOURS east») կողմից։ Ծրագիրը լրացնում եւ աջակցում է Արեւելյան գործընկերության երկրներում ԵՄ պատվիրակությունների հաղորդակցական գործունեությանը եւ գործում է Եվրոպական հանձնաժողովի Ընդլայնման եւ Արեւելյան հարեւանության հարցերով գլխավոր տնօրինության (DG ENEST) ու Արտաքին գործողությունների եվրոպական ծառայության ղեկավարության ներքո: EU NEIGHBOURS east-ն իրականացվում է GOPA PACE-ի գլխավորած կոնսորցիումի կողմից։


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,