«Եվրոպայի ձայները». միասին նշենք Եվրոպական լեզուների օրը Երեւանում
Եվրոպական միության ազգային մշակութային կազմակերպությունների հայաստանյան կլաստերը՝ ՅՈՒՆԻՔ Հայաստանը, որը նաեւ ՅՈՒՆԻՔ Գլոբալի մաս է կազմում, հրավիրում է դպրոցականներին, ուսանողներին եւ բոլոր լեզուներով հետաքրքրվածներին մասնակցելու Եվրոպական լեզուների օրվա միջոցառումներին, որոնք տեղի կունենան այսօր՝ սեպտեմբերի 26-ին, ժամը՝ 15։00-ից 17։00-ն՝ Հայաստանի ազգային գրադարանի բակում։
Միջոցառման ընթացքում սպասվում է․
- Եղիշե Չարենցի «Ես իմ անուշ Հայաստանի» բանաստեղծության համատեղ ընթերցում․
- Եվրոպայի ձայները. բացահայտեք եվրոպական լեզուները՝ արագ դասընթացների, վիկտորինաների եւ տարբեր ինտերակտիվ խաղերի միջոցով․
- Միասնական պաստառ՝ «Եվրոպան խոսում է բազմաթիվ լեզուներով»․
- Երեխաների անկյուն՝ կոմիքսներով եւ փոքրիկ ընթերցողների համար նախատեսված գրականությամբ։
Բելգիան, Գերմանիան, Իտալիան, Լեհաստանը, Հունաստանը, Հունգարիան, Ռումինիան, Շվեդիան, Ֆրանսիան կունենան իրենց անկյունները՝ հատուկ լեզվական ակտիվություններով։
ՅՈՒՆԻՔ-ը (Եվրոպական միության ազգային մշակութային կազմակերպությունների ցանց) միջազգային մշակութային հարաբերություններով զբաղվող ազգային կազմակերպությունների եվրոպական ցանց է: ՅՈՒՆԻՔ-ը մեկն է այն ցանցերից, որոնք աջակցություն են ստանում Եվրոպական միության «Ստեղծարար Եվրոպա» ծրագրի կողմից։
Իմացիր ավելին
ՎԵՐՋՆԱԺԱՄԿԵՏ՝
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
