«Հորիզոն Եվրոպա»-ն հայտնում է Հայաստանում բարձր մակարդակի տեղեկատվական միջոցառման անցկացման մասին
Եվրոպական միության կողմից ֆինանսավորվող «Հորիզոն Եվրոպա» նախաձեռնությունը 2025թ․ հոկտեմբերի 22-ին Երեւանում կանցկացնի բարձր մակարդակի տեղեկատվական միջոցառում, որը կընդգծի Հայաստանի աճող ներգրավվածությունը եվրոպական հետազոտական տարածքում եւ նրա ակտիվ մասնակցությունը «Հորիզոն Եվրոպա» ծրագրին։
Մասնակիցները կտեղեկանան հայ գիտնականների եւ նորարարների համար Եվրոպական միության հետազոտական եւ նորարարական բացառիկ նախագծերին մասնակցելու հնարավորությունների մասին։ Նրանք նաեւ հնարավորություն կունենան ծանոթանալ երրորդ բաղադրիչին՝ «Նորարարական Եվրոպա» ծրագրին եւ դրա առաջարկած հնարավորություններին՝ հայկական ՓՄՁ-ների եւ ստարտափների համար։ Միջոցառման շրջանակում հայ գիտնականները կկիսվեն «Հորիզոն Եվրոպա» նախագծերում իրենց մասնակցության հաջողված փորձով։
«Հորիզոն Եվրոպա» տեղեկատվական միջոցառումը Հայաստանում կազմակերպվում է «Գիտական եւ նորարարական գործընկերության աջակցման կենտրոն» հիմնադրամի (ԳՆԳԱԿ)՝ «Հորիզոն Եվրոպա» հայաստանյան գրասենյակի կողմից՝ Եվրոպական հանձնաժողովի, Հայաստանում ԵՄ պատվիրակության եւ Հայաստանի Հանրապետության գիտությունների ազգային ակադեմիայի (ՀՀ ԳԱԱ) հետ սերտ համագործակցությամբ։
«Հորիզոն Եվրոպա» ծրագիրը ԵՄ-ի ֆինանսավորմամբ հիմնական ծրագիրն է գիտության եւ նորարարության ոլորտում՝ շուրջ 95.5 միլիարդ եվրո բյուջեով։ 2022 թվականին Հայաստանը դարձել է «Հորիզոն Եվրոպա» ծրագրի լիարժեք անդամ։
Միջոցառմանը գրանցվելու վերջնաժամկետը հոկտեմբերի 14-ն է։
Իմացիր ավելին
ՎԵՐՋՆԱԺԱՄԿԵՏ՝
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
