Միացեք առաջիկա հանգստյան օրերին Իջեւանում կայանալիք «EU4Culture» ծրագրի ցանցային փառատոնին

ԵՄ կողմից ֆինանսավորվող «EU4Culture» ծրագիրը 2024թ-ի սեպտեմբերի 28-30-ին Իջեւան համայնքում կհյուրընկալի «Քաղաքային պատմություններ, բազմազան ձայներ՝ Հետքեր» ցանցային փառատոնը։ Եռօրյա համայնքային փառատոնը նշում է «EU4Culture» քառամյա ծրագրի ավարտը:

Փառատոնն ընդգծում է EU4Culture-ի գործունեության ազդեցությունը Հայաստանի ոչ մայրաքաղաքային բնակավայրերի մշակութային եւ ստեղծարար ոլորտների վրա: Ընդգրկելով տարբեր միջոցառումներ՝ փառատոնի տեղական եւ միջազգային ծրագրերը կներկայացնեն «EU4Culture» ծրագրի շահառուների, Հայաստանի տեղական արվեստագետների եւ ներկայացուցիչների գեղարվեստական ​​ստեղծագործությունները եւ կատարումները, ինչպես նաեւ Վրաստանից հրավիրված արվեստագետներին:

Երեք օրվա ընթացքում համայնքի 18 գյուղերից յուրաքանչյուրում տեղի կունենա կավից պատրաստված հուշատախտակների բացում՝ Իջեւան, Չարենցավան եւ Սեւան համայնքների ստեղծագործական խմբերի երգ ու պարի կատարումներով։

7,85 միլիոն եվրո բյուջեով EU4Culture-ը քառամյա ծրագիր է, որը ֆինանսավորվում է Եվրոպական միության կողմից՝ աջակցելու մշակույթի եւ ստեղծարարության ոլորտներին՝ հատուկ ուշադրություն դարձնելով Արեւելյան գործընկերության երկրների ոչ մայրաքաղաքային բնակավայրերին:

Իմացիր ավելին

Մամուլի հաղորդագրություն

[popular_posts columns_xl=”4″ columns_l=”4″ columns_m=”3″]