MSCA-ը մեկնարկում է 101.8 միլիոն եվրո բյուջեով հայտամրցույթ դոկտորական եւ հետդոկտորական ծրագրերի համար
Հունվարի 24-ին «Մարի Սկլոդովսկա-Կյուրի գործողություններ (MSCA)» նախաձեռնության ներքո մեկնարկել է «Տարածաշրջանային, ազգային եւ միջազգային ծրագրերի համաֆինանսավորում (COFUND)» 2024 թվականի գործողության համար հայտերի ընդունումը։
Սույն հայտամրցույթի շրջանակներում Եվրոպական հանձնաժողովը կհատկացնի 101,8 միլիոն եվրո՝ աջակցելու հետազոտողների համար ինստիտուցիոնալ, տարածաշրջանային, ազգային եւ միջազգային վերապատրաստման եւ կարիերայի զարգացման ծրագրերին:
COFUND-ը կազմակերպություններին թույլ է տալիս ստեղծել նոր կամ ամրապնդել առկա դոկտորական եւ հետդոկտորական ծրագրերը՝ նպատակ ունենալով ներգրավել հետազոտողներ եւ միջազգային տաղանդներ՝ նրանց ծախսերի զգալի մասի համաֆինանսավորման միջոցով։
Դիմելու իրավասություն ունի ԵՄ անդամ պետություններից կամ «Հորիզոն Եվրոպա» ծրագրին ասոցիացված երկրներից (ներառյալ Հայաստանը) մեկական կազմակերպություն։
Նախագծում կարող են ներառվել լրացուցիչ գործընկերներ, ինչպիսիք են պետական կառույցները, տարածքային իշխանությունները, ֆինանսավորող գործակալությունները, համալսարանները, հետազոտական կազմակերպությունները եւ ձեռնարկությունները՝ հետազոտողներ հավաքագրելու (իրականացնող գործընկերներ) կամ գործուղումներ ընդունելու եւ ուսուցում տրամադրելու (ասոցացված գործընկերներ) նպատակով: Իրականացնող գործընկերները կարող են լինել «Հորիզոն Եվրոպա» ծրագրին ասոցացված կամ ցածր եւ միջին եկամուտ ունեցող երրորդ երկրներից (այդ թվում՝ Ադրբեջանից եւ Բելառուսից): Ասոցացված գործընկերները կարող են լինել ցանկացած այլ երկրից:
Առաջարկների ներկայացման վերջնաժամկետն է՝ 2025 թվականի հունիսի 24-ը:
Իմացիր ավելին
ՎԵՐՋՆԱԺԱՄԿԵՏ՝
ԱՄԵՆԱԿԱՐԴԱՑԱԾ
[popular_posts columns_xl=”4″ columns_l=”4″ columns_m=”3″]
