Դու՝

• Եվրոպական միության անդամ պետություններից մեկի, Մեծ Բրիտանիայի կամ Արևելյան գործընկերության վեց երկրներից (Հայաստան, Ադրբեջան, Բելառուս, Վրաստան, Մոլդովա կամ Ուկրաինա) մեկի քաղաքացի ես.
• 16-ից 26 տարեկան ես,
• լավ տիրապետում ես անգլերեն լեզվին,
• հետաքրքրված ես ԵՄ հարցերով և ԵՄ-ի ու Արևելյան գործընկերության երկրների միջև գործընկերությամբ և համագործակցությամբ,
• հետաքրքրված ես հանրային դիվանագիտությամբ ու հանրային լուսավորչական գործունեությամբ և պատրաստ ես կիսվել գիտելիքներով, փորձով և տեղեկություններով ձեր հասակակիցների և ավելի լայն հանրության հետ,
• ունես մոտիվացիա՝ նպաստելու ձեր համայնքի և երկրի զարգացմանը,
• հետաքրքրված ես կամավորական գործունեությամբ և պատրաստ ես բավարար ժամանակ հատկացնել հասարակական գործունեությամբ զբաղվելու համար:

Հայտերի ընդունման գործընթացի ավարտից հետո թեկնածուներից պահանջվում է կատարել ևս մի քանի գործողություններ։ Ընտրված թեկնածուները կհրավիրվեն հարցազրույցի, որը հաջողությամբ հաղթահարելու դեպքում նրանցից կպահանջվի տրամադրել լրացուցիչ տեղեկություններ (օրինակ՝ տրամադրել պրոֆիլի լուսանկար, ստորագրել համաձայնության ձևերը, մշակել կայքի համար պրոֆիլի նկարագրություն և այլն), իսկ որպես վերջնական քայլ նրանց պրոֆիլները կուղարկվեն հետագա հաստատման (ինստիտուցիոնալ շահագրգիռ կողմերին): Հայտերի ընդունման վերջնաժամկետից մինչև վերջնական արդյունքների ամփոփումը ներառող գործընթացը տևում է մոտավորապես ութ շաբաթ:

«Երիտասարդ եվրոպական դեսպաններ» նախաձեռնությունն ունի պրոակտիվ բնույթ: Ընտրվելու հնարավորություն կստանան բոլոր թեկնածուները, որոնք կցուցաբերեն ակտիվություն և հետաքրքրություն ու կանցնեն բոլոր անհրաժեշտ փուլերը։

Եթե քո 16 տարին լրանում է երիտասարդ եվրոպական դեսպան դառնալու ցանկություն հայտնելուց հետո մեկ ամսվա ընթացքում, ապա կարող ես դիմել: Խնդրում ենք նկատի ունենալ, որ 16-17 տարեկան ընտրված թեկնածուները իրավասու են մասնակցել բացառապես առցանց և իրենց երկրներում կազմակերպվող միջոցառումներին, իսկ միջազգային ճանապարհորդություն ենթադրողներին՝ ոչ:

Այո՛, դու կարող ես դիմել, եթե մինչև դիմումների ընդունման վերջնաժամկետը՝ 2025 թվականի նոյեմբերի 3-ի կեսգիշերը, քո 27 տարեկանը չի լրացել։

Այս նախաձեռնության որոշիչ գործոններից մեկը երիտասարդակենտրոն մոտեցումն է նույն տարիքային տիրույթում գտնվող դեսպանների ցանցի միջոցով: Նախաձեռնությունն իր սկզբնավորման պահից նախատեսված է եղել 16-ից 26 տարեկան երիտասարդների համար, ուստի մեր միջոցառումների մեծ մասը ուղղված է այս տարիքային տիրույթի երիտասարդներին: Այն բանից հետո, երբ լրանում է առանձին դեսպանի 27 տարին, վերջինս դադարում է հանդիսանալ երիտասարդ եվրոպական դեսպան, հետևաբար, չի կարողանա տվյալ ծրագրի շրջանակում մասնակցել/գործարկել որևէ գործողություն կամ մասնակցել միջազգային միջոցառումների: Նա նաև կհեռացվի համապատասխան հաղորդակցական խողովակներից ու չաթերից։ Այնուամենայնիվ, յուրաքանչյուր ոք, անկախ տարիքից, հնարավորություն ունի շարունակել աջակցել նախաձեռնությանը նոր դերում՝ դառնալով մենթոր կամ դասընթացավար: «EU NEIGHBOURS east» ծրագրի թիմը և «Երիտասարդ եվրոպական դեսպաններ» նախաձեռնության ազգային համակարգողներն այս տարբերակներն անհատական ​​հիմունքներով կքննարկեն հեռանկարային թեկնածուների հետ: Մենք դա անում ենք, որպեսզի պահպանենք այս նախաձեռնության ընդհանրական բնույթը և «Երիտասարդ եվրոպական դեսպաններ» նախաձեռնության փորձն առաջարկենք հնարավորինս շատ երիտասարդների ԱլԳ տարածաշրջանում, ԵՄ-ում և Մեծ Բրիտանիայում: Ծրագիրը և նրա «Երիտասարդ եվրոպական դեսպաններ» նախաձեռնությունը կշարունակեն կապ պահպանել նախկին դեսպանների հետ իրենց ապագա ջանքերում՝ որպես երիտասարդ մասնագետներ և իրենց համայնքների առաջնորդներ:

• Խնդրում ենք նկատի ունենալ, որ ցանկացած միջոցառում և ակցիա կազմակերպվելու է կամավոր հիմունքներով և չի ենթադրելու որևէ վարձատրություն կամ կոչում: Մենք ընդունում ենք, որ դու կարող ես սովորել/աշխատել, ուստի նախաձեռնությունը մշակվել է այնպես, որպեսզի ճկուն լինի:
• Խնդրում ենք նկատի ունենալ, որ միջազգային ճանապարհորդություն ենթադրող գործողություններին մասնակցելու համար պետք է լրացած լինի քո 18 տարին: 16-ից 17 տարեկան ընտրված թեկնածուները իրավասու են մասնակցել բացառապես առցանց և իրենց երկրներում կազմակերպվող միջոցառումներին։
• Խնդրում ենք նկատի ունենալ, որ «Երիտասարդ եվրոպական դեսպաններ» նախաձեռնությունն ունի ներառական բնույթ և հավատարիմ է բազմազանության գաղափարին: Նախաձեռնությունում ընգրկվել կարող են հասարակության բոլոր շերտերը ներկայացնող երիտասարդները։
• «Երիտասարդ եվրոպական դեսպաններ» նախաձեռնությունը ոչ քաղաքական նախաձեռնություն է: Դեսպանների կողմից արտահայտված որևէ տեսակետ չի ներկայացնում նախաձեռնության, «EU NEIGHBOURS east» ծրագրի կամ ԵՄ որևէ հաստատության և գործակալության ընդհանուր կարծիքը:

Երիտասարդ եվրոպական դեսպաններին առնչվող տեղեկատվության համար.

• Ընդհանուր տեղեկատվություն՝ yeas@euneighbourseast.eu
• YEAs նախաձեռնությունը Հայաստանում՝ armenia@euneighbourseast.eu
• YEAs նախաձեռնությունը Ադրբեջանում՝ azerbaijan@euneighbourseast.eu
• YEAs նախաձեռնությունը Բելառուսում՝ belarus@euneighbourseast.eu
• YEAs նախաձեռնությունը Վրաստանում՝ georgia@euneighbourseast.eu
• YEAs նախաձեռնությունը Մոլդովայում՝ moldova@euneighbourseast.eu
• YEAs նախաձեռնությունը Ուկրաինայում՝ ukraine@euneighbourseast.eu
• YEAs նախաձեռնությունը ԵՄ անդամ երկրներում yeas.eu@euneighbourseast.eu