EU4Energy საქართველოს ელექტროენერგიის მიწოდების უსაფრთხოების გაძლიერებაში დაეხმარება
17 თებერვალს ენერგეტიკული თანამეგობრობის ექსპერტებმა საქართველოში პროგრამის, EU4Energy ტექნიკური დახმარების ინიციატივა აამოქმედეს. ინიციატივა ევროკავშირის წარმომადგენლობის და ეროვნული ხელისუფლების ენერგეტიკის სექტორის წარმომადგენლების მხარდაჭერით ხორციელდება.
ღონისძიება საქართველოს იმ წესების შემოღებაში დაეხმარება, რომლებიც უზრუნველყოფს მიწოდების უსაფრთხოებას ელექტროენერგიის სექტორში. ეს ხელს შეუწყობს ელექტრომომარაგებასთან დაკავშირებული კრიზისების პრევენციას, მართვასა და შემსუბუქებას. ამ გზით კი გაიზრდება მოქალაქეებისა და მრეწველობისთვის ელექტროენერგიის მიწოდების უსაფრთხოების დონე.
ენერგეტიკული თანამეგობრობის სამდივნო საქართველოს ხელისუფლებას ქვეყნის ელექტროენერგიის სექტორისთვის ე.წ. „რისკისათვის მზადყოფნის გეგმის“ მომზადებაში დაუჭერს მხარს. ეს მოხდება ევროკავშირის ახალი „რისკისათვის მზადყოფნის რეგულაციის“ შესაბამისად, რომელიც მინისტრთა საბჭომ გასულ წელს მიიღო. ამ გეგმაში გათვალისწინებული იქნება საქართველოს ენერგეტიკის სექტორისთვის დამახასიათებელი თავისებურებები.
დამატებითი ინფორმაცია
ყველაზე წაკითხული
[popular_posts columns_xl=”4″ columns_l=”4″ columns_m=”3″]
