საქართველოს სახალხო დამცველმა ევროკავშირის სადამკვირვებლო მისიას „2023 წლის ტოლერანტობის ქომაგის“ ჯილდო გადასცა
16 ნოემბერს საქართველოს სახალხო დამცველმა ლევან იოსელიანმა და ეთნიკური უმცირესობების საბჭომ ევროკავშირის სადამკვირვებლო მისია საქართველოში (EUMM) „2023 წლის ტოლერანტობის ქომაგად“ დაასახელეს.
ტოლერანტობის საერთაშორისო დღისადმი მიძღვნილ დაჯილდოების ცერემონიას EUMM-ის ხელმძღვანელი დიმიტრიოს კარაბალისი დაესწრო. საქართველოს სახალხო დამცველი (ომბუდსმენი) და საქართველოს სახალხო დამცველის ტოლერანტობის ცენტრი ამ ყოველწლიურ ღონისძიებას 2008 წლიდან მასპინძლობს.
ლევან იოსელიანის თანახმად, EUMM-ის ძალისხმევა არა მხოლოდ უსაფრთხოებასთან დაკავშირებული ინციდენტების ესკალაციის თავიდან აცილებას ემსახურება, არამედ, ამასთან, ხელს უწყობს კომუნიკაციას, თანამშრომლობასა და ადამიანის უფლებების დაცვას.
ომბუდსმენმა ხაზი გაუსვა, რომ მისიის ადგილობრივ თემებთან ჩართულობა სცდება უშუალოდ უსაფრთხოების საკითხებს, რაც კონფლიქტის შედეგად დაზარალებულ რაიონებში მოსახლეობის ცხოვრების დონის გაუმჯობესებას უწყობს ხელს.
დამატებითი ინფორმაცია
ყველაზე წაკითხული
[popular_posts columns_xl=”4″ columns_l=”4″ columns_m=”3″]
