ევროპის სოლიდარობის კორპუსი: 6-თვიანი მოხალისეობრივი საქმიანობა ბულგარეთში
ბულგარეთის ქალაქ კაზანლიკში მდებარე სათემო ცენტრი, Oswobojdenie-1884, იწვევს 18-30 წლის ახალგაზრდებს, რომლებიც 2024 წლის 1 აპრილიდან 30 სექტემბრამდე პერიოდში ცენტრის მუშაობაში ჩაერთვებიან.
ინიციატივა განკუთვნილი საქართველოს, აზერბაიჯანის, სომხეთისა და უკრაინის მოქალაქეებისთვის.
აქტივობათა უმრავლესობა მოიცავს შეზღუდული შესაძლებლობის მქონე ბავშვებისა და ახალგაზრდების და მოხუცთა დახმარებას. მოხალისეებს ასევე მოეთხოვებათ, გაეცნონ ბულგარულ ტრადიციებსა და წეს-ჩვეულებებს, რათა ადგილობრივი მოსახლეობისთვის ფესტივალების, ბავშვებისთვის განკუთვნილი აქტივობებისა თუ გამოფენების ორგანიზება შეძლონ.
მოხალისეს საცხოვრებლით უფასოდ უზრუნველყოფენ, ხოლო მგზავრობის ხარჯები ანაზღაურდება მას მერე, რაც ის ბულგარეთში ჩავა. ყოველ თვეს მოხალისე ჯიბის ფულად 150 ევროს, საკვებისთვის კი 200 ევროს მიიღებს.
მოხალისეს მიეცემა შესაძლებლობა, ისწავლოს ბულგარული ენა და გაეცნოს ბულგარულ ფოლკლორს.
ამ შეთავაზებას ბოლო ვადა არ აქვს — რაც მალე გააგზავნით განაცხადს, მით მეტად გაიზრდება თქვენი წარმატების შანსი.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
