საქართველოს რეგიონებში კარგი მმართველობის ხელშესაწყობად სამოქალაქო საზოგადოების ორგანიზაციებისთვის კონკურსი გამოცხადდა
გაეროს განვითარების პროგრამამ (UNDP) ევროკავშირის ფინანსური მხარდაჭერით სამოქალაქო საზოგადოების ორგანიზაციებისთვის კონკურსი გამოაცხადა. კონკურსის მიზანი მონაწილეობითი და ადამიანზე ორიენტირებული მუნიციპალური სერვისების მიწოდების მხარდაჭერაა.
საგრანტო პროექტი ერთობლივი ინიციატივის, „EU4ITD: დეცენტრალიზებული, ეფექტიანი და ინკლუზიური მმართველობის ხელშეწყობა საქართველოში“, ფარგლებში ხორციელდება.
საგრანტო კონკურსი ხელს შეუწყობს სამოქალაქო საზოგადოების ორგანიზაციებს, მუნიციპალიტეტებთან პარტნიორობით დაუჭირონ მხარი მოქალაქეთა ჩართულობას ადგილობრივ დაგეგმვაში და სერვისების შემუშავებაში, განხორციელებასა და შეფასებაში. ამ გზით კახეთის, რაჭა-ლეჩხუმისა და ქვემო სვანეთის, იმერეთის და გურიის რეგიონებში მუნიციპალური სერვისების მიწოდება გაუმჯობესდება.
საგრანტო კონკურსში მონაწილეობის მისაღებად განმცხადებელი საქართველოში რეგისტრირებული არაკომერციული ორგანიზაცია უნდა იყოს. ამასთან, მას უნდა ჰქონდეს სამიზნე რეგიონში/მუნიციპალიტეტში მუშაობის სულ მცირე ორწლიანი გამოცდილება და გაფორმებული უნდა ჰქონდეს პარტნიორობა ადგილობრივ ხელისუფლებასთან.
განაცხადების მიღების ბოლო ვადაა 2024 წლის 12 აპრილი.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
