ახალგაზრდების უნარების მსოფლიო დღე: ევროკავშირის დაფინანსებული ინიციატივა საქართველოში შუალედურ შედეგებს აქვეყნებს
ახალგაზრდების უნარების მსოფლიო დღესთან დაკავშირებით, ევროკავშირის მიერ დაფინანსებულმა პროგრამამ, Skills4Jobs, საქართველოში თავისი საქმიანობის შედეგები წარმოადგინა.
პროგრამის მეორე ეტაპი 2019 წელს დაიწყო და მის ფარგლებში 7 მილიონი ევროს საერთო ბიუჯეტით ცხრა პროექტი დაფინანსდა. ეს პროექტები საქართველოს ათასობით მოქალაქეს ეხმარება, საკუთარი უნარები შრომის ბაზრის მოთხოვნებს მოარგოს და წარმატებით დასაქმდეს. ეს კი, თავის მხრივ, საქართველოს კონკურენტუნარიანობასა და ეკონომიკურ ზრდას უწყობს ხელს.
დღეისათვის 1,741 ადამიანია დასაქმებული, 6,505-მა გაიარა ტრენინგი საბაზისო უნარების, მეწარმეობისა და საინფორმაციო ტექნოლოგიების მიმართულებით, 9,236-მა მიიღო ინდივიდუალური დახმარება და 1,108 პირმა გაიარა სტაჟირება. ასევე შეიქმნა პროფესიული განათლების 26 ახალი პროგრამა. 90 საჯარო სკოლასა და 10 პროფესიულ სასწავლებელში კი კოდირების და ტექ-მეწარმეობის კლუბები დაარსდა.
დამატებითი ინფორმაცია
ყველაზე წაკითხული
[popular_posts columns_xl=”4″ columns_l=”4″ columns_m=”3″]
