ევროკავშირის მიერ დაფინანსებული ანგარიში საქართველოს ექსპორტისმზარდ პოტენციალზე მიუთითებს
გაეროს განვითარების პროგრამამ (UNDP) გამოაქვეყნა ევროკავშირის მიერ დაფინანსებული ახალი კვლევის ანგარიში, რომელშიც განხილულია ქართული მცირე და საშუალო ბიზნესის პერსპექტივები ევროპულ ბაზრებზე.
ანგარიშში სახელწოდებით „ქართული ბიზნესის პერსპექტივები ევროკავშირის ბაზარზე. 2025“ გამოკვლეულია ქართული მცირე და საშუალო საწარმოების ექსპორტის პოტენციალი მათი წვდომის გასაუმჯობესებლად ევროპულ ბაზრებზე. ანგარიშში განხილულია ოთხი სექტორი: სასმელების წარმოება, შეფუთვა, ტანსაცმლის წარმოება და საინფორმაციო ტექნოლოგიების (IT) სერვისები.
ანგარიშში გაკეთებული დასკვნები მიუთითებს, რომ მცირე და საშუალო საწარმოები დომინირებს შეფუთვის და სასმელების წარმოების სექტორებში, და მათ აქვთ თვალსაჩინო ექსპორტის პოტენციალი. გარდა ამისა, ანგარიშში ხაზგასმულია გაზრდილი ინტერესი ქართული მოდის ინდუსტრიის მიმართ და საინფორმაციო ტექნოლოგიების (IT) სერვისების უსწრაფესი განვითარება. ანგარიშში თითოეული სექტორისთვის გაცემულია კონკრეტული რეკომენდაციები ექსპორტის პოტენციალის გაზრდის თაობაზე.
კვლევა განახორციელეს პოლიტიკისა და მენეჯმენტის საკონსულტაციო ჯგუფმა (PMCG) და თბილისის სახელმწიფო უნივერსიტეტის ეკონომიკის საერთაშორისო სკოლის პოლიტიკის ინსტიტუტმა (ISET-PI) ევროკავშირის დაფინანსებით და გაეროს განვითარების პროგრამის (UNDP) ხელშეწყობით პროექტის „წვდომა საექსპორტო ბაზრებზე“ ფარგლებში.
დამატებითი ინფორმაცია
UNDP-საქართველოს პოსტი Facebook-ზე
ყველაზე წაკითხული
[popular_posts columns_xl=”4″ columns_l=”4″ columns_m=”3″]
