„შემოქმედებითი ევროპა“ ევროპული თანამშრომლობის პროექტების კონკურსს აცხადებს
ევროკავშირის მიერ დაფინანსებული პროგრამა, „შემოქმედებითი ევროპა“, თანამშრომლობის პროექტების კონკურსს აცხადებს. გრანტები გაიცემა მრავალფეროვანი აქტივობების თუ ინიციატივების განმახორციელებელი პროექტებისთვის, რომლებშიც კულტურისა და შემოქმედებით სექტორებში მომუშავე ხელოვანები და დაინტერესებული პირები არიან ჩართულები.
კონკურსში მონაწილეობა შეუძლიათ „შემოქმედებითი ევროპის“ პროგრამის მონაწილე ყველა ქვეყანას, რომელთა შორის საქართველოც არის. კონკურსის ფარგლებში, სულ მცირე, 130 პროექტი დაფინანსდება.
ინიციატივის მიზანია, ხელი შეუწყოს კულტურის სფეროში მოქმედი ორგანიზაციების თანამშრომლობას და ევროპული ხელოვნების ნიმუშების შექმნასა და საერთაშორისო აუდიტორიისთვის გაცნობას. ის ასევე წაახალისებს ახალი და ინოვაციური პრაქტიკების შექმნას, განვითარებას, დანერგვასა და გამოყენებას.
იმის გათვალისწინებით, რომ კონკურსი „შემოქმედებითი ევროპის“ პროგრამის კულტურის მიმართულების ნაწილია, მასში მონაწილეობა არ შეუძლიათ პროექტებს, რომლებიც მხოლოდ აუდიოვიზუალურ კონტენტზე კონცენტრირდება და/ან მხოლოდ აუდიოვიზუალურ სექტორში მომუშავე ორგანიზაციებისგან შედგება.
კონკურსის საერთო ბიუჯეტი, დაახლოებით, 60 მილიონ ევროს შეადგენს.
მცირე მასშტაბის პროექტისთვის მაქსიმალური გრანტის ოდენობა 200 000 ევროა, ხოლო საშუალო მასშტაბის პროექტისთვის — 1 000 000 ევრო. მცირე მასშტაბის პროექტების შემთხვევაში მიღებულმა გრანტმა უნდა დაფაროს სრული დაფინანსების მაქსიმუმ 80%, საშუალო მასშტაბის პროექტების შემთხვევაში კი — მაქსიმუმ 70%.
განაცხადების მიღების ბოლო ვადაა 2024 წლის 23 იანვარი.
დამატებითი ინფორმაცია
ყველაზე წაკითხული
[popular_posts columns_xl=”4″ columns_l=”4″ columns_m=”3″]
