ქალები სოფლის ეკონომიკაში საქართველოში – პოლიტიკის მიმოხილვა

დოკუმენტი მიმოიხილავს საქართველოში სოფლის ადგილობრივ ეკონომიკაში ჩართული ქალების მდგომარეობას. მიუხედავად იმისა, რომ ქალები სოფლის მოსახლეობის ნახევარზე მეტს შეადგენენ, მათი დიდი ნაწილი არც დასაქმებულია და არც დასაქმების მაძიებელია, ხოლო დასაქმებულთაგან ბევრი მოწყვლად სამუშაო პირობებში იმყოფება. დოკუმენტში გაანალიზებულია ეკონომიკური უმოქმედობისა და მოწყვლადი დასაქმების ძირითადი მიზეზები, მათ შორის – გენდერული როლების ტრადიციული აღქმა, სოციალური და ინფრასტრუქტურული ბარიერები. მიმოხილვა ასევე გვთავაზობს რეკომენდაციებს ქალების ეკონომიკური აქტივობის გაზრდისთვის, მათ შორის – პროფესიული განათლების ხელმისაწვდომობის გაუმჯობესებას, ბავშვზე ზრუნვის სერვისების განვითარებასა და ქალებზე მორგებული დასაქმების პროგრამების გაძლიერებას. დოკუმენტი შემუშავდა გაეროს ქალთა ორგანიზაციის მიერ პროექტების – „ქალთა ეკონომიკური გაძლიერება სამხრეთ კავკასიაში“ (დაფინანსებული შვეიცარიის განვითარებისა და თანამშრომლობის სააგენტოსა და ავსტრიის განვითარების სააგენტოს მიერ) და „კარგი მართველობა გენდერული თანასწორობისთვის საქართველოში“ (ნორვეგიის საგარეო საქმეთა სამინისტროს მხარდაჭერით) – ფარგლებში.

[popular_posts columns_xl=”4″ columns_l=”4″ columns_m=”3″]