აღმოსავლეთ პარტნიორობის სამოქალაქო საზოგადოების ფორუმი 2024-2026 წლების ციკლისთვის დელეგატებს იწვევს
აღმოსავლეთ პარტნიორობის სამოქალაქო საზოგადოები ფორუმმა თავისი მომდევნო, 2024-2026 წლების ციკლისთვის დელეგატების შესარჩევად კონკურსი გამოაცხადა.
ყოველ ორ წელიწადში ერთხელ გამოცხადებულ კონკურსში განაცხადების შეტანა აღმოსავლეთ პარტნიორობის ექვსი ქვეყნისა და ევროკავშირის წევრი სახელმწიფოების ორგანიზაციებს შეუძლიათ.
შერჩეული დელეგატები თავიანთი მანდატის განმავლობაში აღმოსავლეთ პარტნიორობის რეგიონში მოქმედი წამყვანი სამოქალაქო საზოგადოების ორგანიზაციებისგან შემდგარი ჯგუფის ნაწილი გახდებიან. მათ ექნებათ ექსკლუზიური წვდომა აღმოსავლეთ პარტნიორობის სამოქალაქო საზოგადოების სამიტზე, რომელსაც 300-მდე დონორის, დაინტერესებული მხარისა და სამოქალაქო საზოგადოების წარმომადგენლისგან შემდგარი აუდიტორია ესწრება.
დელეგატებს ასევე საშუალება ექნებათ, ჩაერთონ ყოველწლიურ სამუშაო ჯგუფებში და გენერალური ასამბლეის შეხვედრებში. ისინი ერთად იზრუნებენ საზიარო მიზნების მიღწევაზე, ითანამშრომლებენ რეგიონულ პროექტებში, ექნებათ გავლენა რეგიონში ორგანიზებულ ოფიციალურ ღონისძიებებზე, მოიპოვებენ ექსკლუზიურ წვდომას დაფინანსებასა თუ უნარების განმავითარებელ შესაძლებლობებზე და მონაწილეობას მიიღებენ ფორუმის მიერ ორგანიზებულ სხვა აქტივობებში.
აღმოსავლეთ პარტნიორობის სამოქალაქო საზოგადოების ფორუმის დელეგატების კონკურსში მონაწილეობის მისაღებად არასამთავრობო ორგანიზაციებმა უნდა შეავსონ განაცხადის სპეციალური ფორმა.
განაცხადების შეტანის ბოლო ვადაა 2024 წლის 10 მარტი.
დამატებითი ინფორმაცია
აღმოსავლეთ პარტნიორობის სამოქალაქო საზოგადოების ფორუმი 2023 წლის რეგიონულ ინდექსს წარადგენს
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
