აღმოსავლეთ პარტნიორობის სამოქალაქო ტექნოლოგიების 2024 წლის ჰაკათონზე რეგისტრაცია დაიწყო
აღმოსავლეთ პარტნიორობის სამოქალაქო საზოგადოების მექანიზმი სამოქალაქო ტექნოლოგიების ენთუზიასტებს სამოქალაქო ტექნოლოგიების მესამე ჰაკათონზე იწვევს. ჰაკათონი მოლდოვის დედაქალაქ კიშინიოვში 2024 წლის 26-28 იანვარს გაიმართება.
ჰაკათონზე შეიკრიბებიან სამოქალაქო საზოგადოების აქტივისტები, დეველოპერები და დიზაინერები აზერბაიჯანიდან, ბელარუსიდან, მოლდოვიდან, საქართველოდან, სომხეთიდან და უკრაინიდან.
მონაწილეები იმუშავებენ ახალ ციფრულ გადაწყვეტებზე, რომლებიც ხელს შეუწყობს მოქალაქეების გაძლიერებასა და საჯარო სერვისების გაუმჯობესებას აღმოსავლეთ პარტნიორობის ქვეყნებში. განსახილველ თემებს შორის იქნება სამთავრობო პროცესებში მოქალაქეების ელექტრონული მონაწილეობა, ელექტრონული გამჭვირვალობა, ღია მონაცემები, მოქალაქეთა მობილიზაცია და სამოქალაქო საზოგადოების გამჭვირვალობა და ანგარიშვალდებულება.
გარდა ამისა, იმ 25-მდე აქტივისტს, რომელმაც ინდივიდუალურად ან მაქსიმუმ სამი პირისგან შემდგარი გუნდის სახით წარადგინა საკუთარი იდეა, 2023 წლის 1-16 დეკემბერს ტექნოლოგიების იდეათონზე მიიწვევენ. იდეათონზე ისინი დახვეწენ თავიანთ იდეებს, რომელთაგან 15 ჰაკათონში მონაწილეობის მისაღებად შეირჩევა.
ჰაკათონის საუკეთესო იდეები წარდგენილი იქნება სპეციალურ ჯილდოზე, EaP Civic Tech Award, რომლის მოცულობაც 10-12,000 ევროს შეადგენს. მისი დახმარებით, გამარჯვებულებს საკუთარი ტექნოლოგიური იდეების განვითარებისა და განხორციელების საშუალება მიეცემათ.
ჰაკათონზე დასარეგისტრირებლად ეწვიეთ ბმულს.
ინდივიდებსა და გუნდებს სამოქალაქო ტექნოლოგიური გადაწყვეტების წარდგენა 13 ნოემბრამდე შეუძლიათ. გუნდების დახმარებით დაინტერესებული დეველოპერებისა და გრაფიკული დიზაინერებისთვის კი განაცხადის წარდგენის ბოლო ვადა 18 დეკემბერია.
ჰაკათონის და განაცხადების შეტანის პროცესის შესახებ დამატებითი ინფორმაციისთვის ორგანიზატორები გამართავენ საინფორმაციო ვებინარს, რომელიც 31 ოქტომბერს, ცენტრალური ევროპის დროით 13:00 საათზე ჩატარდება.
აპლიკანტებისთვის განკუთვნილი სახელმძღვანელო რეკომენდაციების გაცნობა აქ შეგიძლიათ.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
