CENN გურიის სამოქალაქო საზოგადოების ორგანიზაციების გასაძლიერებლად და მხარდასაჭერად კონკურსს აცხადებს
კავკასიის გარემოსდაცვითი არასამთავრობო ორგანიზაციების ქსელი (CENN) გურიის რეგიონში მოქმედ სამოქალაქო საზოგადოების ორგანიზაციებს (სსო-ებს) ევროკავშირის მიერ დაფინანსებულ კონკურსში იწვევს.
კონკურსში მონაწილეობის მიღება გურიის სამივე მუნიციპალიტეტში — ოზურგეთში, ჩოხატაურსა და ლანჩხუთში მოქმედ სამოქალაქო საზოგადოების ორგანიზაციებს შეუძლიათ.
ორგანიზატორები შეარჩევენ ათ ადგილობრივ სსო-ს, რათა ხელი შეუწყონ მათ ორგანიზაციულ გაძლიერებასა და მხარდაჭერას შესაძლებლობების განვითარებისა და ანგარიშვალდებულების გაზრდის გზით.
განაცხადების შეტანის ბოლო ვადაა 20 ოქტომბერი.
კონკურსი ცხადდება პროექტის, „მწვანე გურია — ადგილობრივი დემოკრატიისა და სოფლის განვითარების მხარდაჭერა ინკლუზიური და მწვანე ზრდისთვის“, ფარგლებში. პროექტს აფინანსებს სოფლისა და სოფლის მეურნეობის განვითარების ევროპის სამეზობლო პროგრამა (ENPARD IV) და ახორციელებს CENN, ახალგაზრდა პედაგოგთა კავშირთან, დემოკრატიის ინსტიტუტთან და ქედის ადგილობრივი განვითარების ჯგუფთან (LAG) თანამშრომლობით.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
