დარჩენილია რამდენიმე დღე განაცხადების შესატანად ევროპის რეკონსტრუქციისა და განვითარების ბანკის სამოქალაქო საზოგადოების მმართველ კომიტეტში მონაწილეობისთვის
ევროპის რეკონსტრუქციისა და განვითარების ბანკი (EBRD) იწვევს სამოქალაქო საზოგადოების ორგანიზაციებს, რომლებიც მდებარეობენ ან აქტიურად მუშაობენ ერთ ან მეტ ქვეყანაში, სადაც ევროპის რეკონსტრუქციისა და განვითარების ბანკი ინვესტიციებს ახორციელებს (მათ შორის სომხეთში, აზერბაიჯანში, საქართველოში, მოლდოვასა და უკრაინაში), მონაწილეობის მისაღებად მის სამოქალაქო საზოგადოების საორგანიზაციო კომიტეტში.
საორგანიზაციო კომიტეტი წარმოადგენს დამატებით სათათბირო და საკონსულტაციო პლატფორმას, რომელიც შეიქმნა დიალოგისა და პარტნიორული ურთიერთობების გასაღრმავებლად ევროპის რეკონსტრუქციისა და განვითარების ბანკსა და სამოქალაქო საზოგადოების ორგანიზაციებს შორის. 2024 წელს ჩამოყალიბებული კომიტეტის საქმიანობა აძლიერებს ევროპის რეკონსტრუქციისა და განვითარების ბანკის ვალდებულებებს გამჭვირვალობის, ანგარიშვალდებულების და დაინტერესებული მხარეების უფრო გააზრებული ჩართვის მიმართ ყველა რეგიონში, სადაც მისი ოპერაციები წარმოებს. კომიტეტში მომუშავე სამოქალაქო საზოგადოების ორგანიზაციების წარმომადგენლები ერთმანეთთან დააკავშირებენ ევროპის რეკონსტრუქციისა და განვითარების ბანკს და სამოქალაქო საზოგადოებას ბანკის საოპერაციო რეგიონებში; განსაკუთრებული ყურადღება მიექცევა ურთიერთობებს ადგილობრივი საზოგადოების ფართო ფენებთან და საზოგადოებრივ ჯგუფებთან.
კომიტეტში 12 – 14 სამოქალაქო საზოგადოებრივი ორგანიზაციის წევრი იქნება გაერთიანებული. სამოქალაქო საზოგადოების ორგანიზაციების მმართველი კომიტეტის წევრობა 2026 წლის იანვარში დაიწყება. თითოეული კომიტეტის მოქმედების ვადა ორწლიან პერიოდ მოიცავს (2026 და 2027).
კომიტეტის შეხვედრები გაიმართება რეგულარულად, არანაკლებ წელიწადში ოთხჯერ და ნებისმიერ დროს საგანგებო შემთხვევაში. ყოველკვარტალური შეხვედრების თარიღები წინასწარ გამოცხადდება.
განაცხადების მიღება წარმოებს 30 სექტემბრამდე.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
