ევროკავშირი აღმოსავლეთ პარტნიორობის ქვეყნებში სამოქალაქო საზოგადოების ორგანიზაციების მხარდასაჭერად კონკურსს აცხადებს
ტრანსატლანტიკურმა ფონდმა (TF) შეერთებული შტატების გერმანიის მარშალის ფონდის პროგრამასთან, „შავი ზღვის ფონდი რეგიონული თანამშრომლობისთვის“, პარტნიორობით აღმოსავლეთ პარტნიორობის ქვეყნების სამოქალაქო საზოგადოების ორგანიზაციებისთვის კონკურსი გამოაცხადა. კონკურსის მიზანია ამ ორგანიზაციათა შესაძლებლობების გაძლიერება, რათა მათ არსებულ და მომავალ გამოწვევებთან გამკლავება და ადაპტირება შეძლონ.
კონკურსი ევროკომისიის მიერ დაფინანსებული და ტრანსატლანტიკური ფონდის მიერ მართული პროექტის, „სამოქალაქო საზოგადოების მედეგობის გაძლიერება აღმოსავლეთ პარტნიორობის რეგიონში“ (ERICS-EaP), ფარგლებში გამოცხადდა.
კონკურსის მთავარი მიზანია, ხელი შეუწყოს სტრატეგიულ ინვესტიციებს იმ სფეროებში, რომლებიც სამოქალაქო საზოგადოების ხანგრძლივი მედეგობისთვის არსებითი მნიშვნელობისაა.
სამოქალაქო საზოგადოების ორგანიზაციებს დაფინანსების მოპოვება შეუძლიათ მედეგობის განვითარებასთან დაკავშირებული სხვადასხვა აქტივობის განსახორციელებლად. ეს შეიძლება იყოს: თანამშრომელთა უსაფრთხოება და კეთილდღეობა; IT ინფრასტრუქტურის განახლება და კიბერუსაფრთხოების გაძლიერება; ექსპერტული რჩევები და საკონსულტაციო მომსახურება; საკომუნიკაციო სტრატეგიების დახვეწა; იურიდიულ მომსახურებასთან დაკავშირებული ხარჯების დაფარვა. ამასთან, წახალისებულია საზღვართაშორისი თანამშრომლობისა და საქმიანი კავშირების ხელშემწყობი ინიციატივები.
კონკურსის ფარგლებში გაიცემა 10,000 ევროს ოდენობის გრანტი, რომლითაც შერჩეული პროექტი მაქსიმუმ ხუთი თვის განმავლობაში დაფინანსდება.
განაცხადების შეტანის ბოლო ვადაა 2025 წლის 13 ივნისი.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
