ევროკავშირის მიერ დაფინანსებული პროექტი აჭარის რეგიონში მცხოვრებ ახალგაზრდებს იწვევს
არასამთავრობო ორგანიზაციის, ,,ბათუმის დამოუკიდებელი ცხოვრების ცენტრის“ პროექტი, „ახალგაზრდა ელჩები ევროპისთვის“, აჭარის რეგიონში მცხოვრებ მოტივირებულ და აქტიურ ახალგაზრდებს იწვევს. პროექტში მონაწილეობა შეუძლიათ 16-29 წლის პირებს ქობულეთიდან, ქედადან, შუახევიდან და ხულოდან.
შერჩეული კანდიდატები სამდღიან საზაფხულო სკოლაში მიიღებენ სიღრმისეულ ცოდნას ევროკავშირის ღირებულებების, პროგრამებისა და საქართველოში განხორციელებული საქმიანობის შესახებ. ამის შემდეგ პროექტის მონაწილეები თავიანთ საცხოვრებელ თემებში განახორციელებენ პრაქტიკულ აქტივობებს ევროკავშირის საქმიანობის შესახებ ადგილობრივი მოქალაქეების ცნობიერების ასამაღლებლად.
მონაწილეები აქტივობების განხორციელებისთვის ფინანსურ მხარდაჭერას მიიღებენ.
დაინტერესებულმა კანდიდატებმა სარეგისტრაციო ფორმა 2025 წლის 20 ივლისის ჩათვლით უნდა შეავსონ.
პროექტის მხარდამჭერია ევროკავშირი და მას ახორციელებს კონრად ადენაუერის ფონდის (KAS) ხელმძღვანელობით მართული კონსორციუმი ეკონომიკური პოლიტიკის კვლევის ცენტრთან (EPRC) სამოქალაქო საზოგადოების ფონდთან (CSF) და თავისუფალ ჟურნალისტთა სახლთან (IJH) თანამშრომლობით.
პროექტი, „ახალგაზრდა ელჩები ევროპისთვის“, არაა დაკავშირებული ახალგაზრდა ევროპელი ელჩების ქსელთან, რომელსაც EU NEIGHBOURS EAST პროგრამა ახორციელებს.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
